投資專欄

阿爺今年8月底祭出未成年人限打機令，搞到騰訊國內市場未成年人遊戲流水佔比，由舊年9月4.8%大跌到今年9月1.1%，一步到位，亦令騰訊國內遊戲收入升得5%。海外市場好啲，仍然keep到兩成增長，但較第二季29%增幅有所減慢，不過相對總遊戲收入佔比去到25%，愈黎愈重要。黎緊第四季遊戲收入，我估點都好過第三季！

我自己做估值，一般都係用現金流折現DCF既方法做，所以assume一個折現率係無可避免既問題。如果學過finance既人，多數會用CAPM(capital asset pricing model)黎定個折現率。但我以下所講既野可能會打破你以往既認知！

HKTV出盈警，頭三季盈利同經調整後EBITDA分別按年大跌78.5%同57.0%，咁即係得返4千萬同1.2億，大幅少過今年中期既9.5千萬同1.44億，咁咪即係第三季蝕到媽媽聲囉。

波司登中期業績勁靚仔，純利派息大升超過三成。但balance sheet條數，有啲古惑。

大家樂截至9月底止既中期業績，同疫情之前既2019年同期比較，除稅前溢利大跌左49%，即係少左9,200萬。

餐飲外賣收入按年仍然keep住增長28%，經營溢利多賺14%；團購業務收入按年升33.1%，經營溢利賺多35.8%。搞到佢蝕錢既係新業務。

Uber Eats終於收皮，2021年底會撤出香港。想當年Uber Eats啱啱出嗰陣，唔知嗰浸promotion燒咗幾多錢，肯定既係，新開戶激增，但繼續用既唔多。呢啲賠錢賺吆喝既行為，未必真係為生意，可能圈錢呢?！

網上Call車、外賣、券商呢啲靠app搵食既互聯網公司，初初入香港市場個陣除左大賣廣告、仲瘋狂燒錢補貼俾優惠搶客，但傳統線下超市、賣衫賣鞋呢類鋪頭，就極少咁做。你唔會見到DONKI搞首單免費、阿布泰全單五折搶客，因為就算佢地咁做，一大批客即刻蜂冚過去，門市根本食唔晒啲客。燒錢呢招對傳統線下生意黎講，無乜成本效益。

尋日想食個快lunch，去到大快活，睇好曬食乜，但見到收銀條龍，都係打退堂鼓。走去隔離大家樂，條龍都係差唔多，算，認命。等俾錢個陣，發現，咦？大家樂好多菜式價錢竟然同大快活一模一樣？

執筆之時，港股上一個交易日一度穿破16,500點水平，而納指更下試兩年低位。首先在美國將於周四公佈CPI及領取失業救濟人數等數據，而聯儲局再有官員「放鷹」，市場普遍認為加息未能有效控制通脹，對美國市場及數據抱持較悲觀的態度。而中國方面，二十大臨近，除了國家隊有可能維持市場穩定之外，同樣憧憬會到國家戰略行業如能源及芯片製造業會加大扶持力度。 市場迷思 - 資金分配 相信大家證券戶口或多或少會有現金，但現金的比例可能會每人都會有唔同，但大家會唔會遇到過多的現金反而會影響倉位整體成效，而市場上有個名詞形容呢個現象-「Cash Drag」。簡單而言，是可以將佢理解為現金的機會成本。 你要理解倉位的現金水平應該是多少，先要判斷大市的市況，市差的高現金水平可以減水損失，而市旺高現金水平則意味會錯過更多的投資機會。 要避免這個情況，首先可以了解更多的投資方式，如債券、商品、加密貨幣等，例如債市與股市是負相關，有效可以防止倉位有嚴重受挫；之後可以考慮以供股或以股息再投資；最後要清楚了解自己的目標，再去制定長遠的投資策略。 但以現時市況而言，高現金可以避免是次跌市，而以長遠或股票復興而言，大家要判斷成效，必須要以整體資金水平去計算，再去決定自己的現金水平。 19 太古公司 今年是太古地產成立五十周年，而太古集團於大中華區立足超過150年。而公司業績最主要分為三個部分，包括；地產、飲料及航空部分。 集團於二零二二年上半年錄得的基本溢利為港幣十七億二千九百萬元，而二零二一年同期則為港幣十二億五千六百萬元。撇除兩個會計期內的重大非經常性項目後， 集團於二零二二年上半年錄得的經常性基本溢利為港幣十二億四千九百萬元，而二零二一年上半年則為港幣七億八千六百萬元。 本年度經常性基本溢利增加，主要是由於國泰航空的虧損減少。地產部門的經常性基本溢利保持穩健，太古可口可樂及港機集團的經常性基本溢利則下跌。基本溢利的增幅，亦反映出售太古海洋開發集團所得的收益淨額以及國泰航空的減值支出減少，其影響因沁園食品公司的減值支出及出售投資物業所得收益減少而被局部抵銷。 而且現年七月，太古可口可樂有條件同意收購可口可樂於越南及柬埔寨的裝瓶業務。交易完成後，太古可口 可樂將擁有及營運越南三所裝瓶廠及柬埔寨一所裝瓶廠，交易將使其專營區域人口增加百分之十五至八億七千六百萬人。 而就香港香港辦公樓樓面的需求疲弱，反映空置率上升及新供應增加。然而，預期企業在選擇辦公樓方面追求更佳質量的趨勢將會持續。假設能夠與海外及中國內地逐步恢復通關，加上金融市場有所改善，對甲級辦公樓樓面的需求應有所增加。而在香港的零售物業市場中，太古地產的商場繼續接近全部租出。隨著香港特別行政區政府推出消費券計劃，零售市場已呈現復甦跡象。 以技術分析而言： 止蝕:$52.6止賺:$62.7買入區間價:$54.1～$55.5 筆者交易第一交易原則是，先找出止蝕位，再決定買入及止賺價，在計算風險回報後，才會入場。 *以上信息並不構成任何形式的投資建議。