【結婚是我做過最好的決定 Bill Gates與妻子愛情故事】
Bill Gates今日宣布與Melinda結束27年婚姻，震驚全球！
曾經係眾人眼中的模範夫妻，如今Melinda 卻形容這段這段婚姻「已破裂到難以挽回程度」
據《富比士》報導，Bill Gates目前淨資產估計為 1,305 億美元，全球富豪排名第四, 所以大家焦點放係身家點樣分配， 同埋佢地共同創立既基金會去向將會係點！
目前佢地都冇談及到離婚原因，但外界認為，今次離婚後既財產平分，可能比全球首富Jeff Bezos離婚時困難。 你知道嗎？Bill Gates同Melinda既愛情故事係現實版「總裁愛上員工」嗎？ 雖然佢地離婚好可惜，今日WavingCat就同大家回顧佢地既愛情故事啦！
Bill Gates 同 Melinda係點識？
咁就要翻去1987年，Melinda 係Microsoft任職，負責開發多媒體產品。有一日佢地係紐約一場員工餐會上認識當時既CEO Bill Gates，過了幾個月，兩人在停車場重逢，比爾蓋茲提出了約會的要求。1994年他們在夏威夷完婚。
鍾意對方啲咩？
Bill選擇她既原因，用Melinda自己的話嚟講，係因為因為「我熱愛生活、熱愛程序、熱愛人類，喜歡猜謎遊戲」，而她選擇Bill既原因，就係「因為我看見了他心底深藏的溫柔。」
婚後生活
結婚後，Bill 同Melinda育有3名子女，Melinda決定離開職場，專心照顧家庭。此舉令Bill十分驚訝！因為佢知道工作係佢妻子生命中極其重要的一部分！...
【疫境求生：全球十大企業】
疫情改變左唔少行業命運，好似旅遊業、航空業咁，幾乎停擺！一啲平時唔覺咁重要嘅行業，就係今日疫情跑出！就好似電商行業Amazon, 製藥廠 Pfizer等！ 每個企業都係疫情下「疫」境求生，推出唔同方案，將疫情帶來的影響減低最低。
究竟今年有咩企業係疫情下跑出呢？ Forbes最近就發表左「Global 2000」，根據唔同評分準則，包括：資產，市場價值，銷售同利潤，推算出全球最大企業排行榜！ 想知道全球十大企業係咩？咁就要繼續睇落去啦！
*資料來源：Forbes
全球十大企業
【可樂係由藥劑師發明？那些你不知道的4個可樂趣聞】
唔知道大家最鍾意飲咩汽水呢？小編就最鍾意飲可樂！夏日炎炎飲翻一啖冰凍可樂，真係好GUR㗎！
關於可樂，你有冇了解過佢嘅品牌歷史呢？小編認為佢嘅Marketing 做得好成功呢！ 今日WavingCat就同大家分享一下關於可樂嘅趣聞啦！
趣聞1：可樂係由藥劑師發明
可樂係由一位美國藥劑師John Stith Pemberton所發明。早期嘅可口可樂廣告賣點係可樂具有藥用功效，聲稱能治癒所有緊張嘅心情。明顯係詐騙吧？相信依家應該冇人信！
趣聞2：可樂嘅配方安置左係保險箱？
一般人就當然睇唔到可樂嘅調配配方啦，但係我地就知道佢擺左係邊！可樂配方依家就存放左係美國亞特蘭大可口可樂世界博物館入面！擺係博物館之前，張可樂配方就擺左係美國亞特蘭大銀行保險箱入面。
趣聞3：可樂是太空中的第一支汽水
根據官方嘅說法，係1985年，一名太空人係太空飛船入面飲可樂！
趣聞4：有個可口可樂員工因試圖向百事可樂出售秘密而被判入獄
2007年，前可口可樂秘書Joya Williams因為試圖向百事可樂出售公司機密而被判處八年徒刑。據美聯社報導，Joya Williams試圖向百事可樂發送“機密文件"同產品樣本”。
【歐盟指控蘋果NFC晶片技術涉壟斷 ApplePay被針對了！】
近年來各間科技巨頭公司都被美國和歐盟狙擊，由其是蘋果，日前才被美國和歐盟擬聯手打擊。而蘋果的無線通訊（NFC）晶片技術Apple Pay成長幅度遠比其他無線支付系統，再度受到歐盟反壟斷調查，未來恐面臨274億美元罰款的風險，並可能被迫向競爭對手開放其系統，令其優勢大大減低。
【棄內地生意專注香港市場 Chickeeduck品牌故事】
大家尋日有冇睇新聞呢？位於荃灣嘅Chickeeduck生活百貨近日正式開幕，不久就被警察登門封舖1小時。
消息指，警員到場就國安法案件進行搜查，又要求係入面購物嘅市民同店員離開，過程中有抄身份證同問話。
店主周小龍表示，有關人員隸屬警方國安處，但搜查一小時後並無解釋原因，都不願意回應佢有冇犯法。
你知道嗎？老闆周小龍係由「藍」轉「黃」，放棄左係內地打拼左幾年嘅業務，轉戰到本土市場！
今日WavingCat就同大家分享一下Chickeeduck 品牌故事啦！
Chickeeduck賣咩？
Chickeeduck為本地中高檔童裝品牌，品牌賣點不只是品質，是買整個服裝配套，推出適合不同場合的套裝，包括便服、派對衫裙等。後來加入新業務，名為「Chickeeduck藝術生活百貨」，專賣以社運為主題的產品。
棄內地生意專注香港市場
曾經，老闆周小龍批評佔中示威者行動阻礙他做生意，後來在《逃犯條例》修訂案中醒覺。他接受訪問時曾說「香港可以和平示威，只要示威者不打爛他們的飯碗，「捐少許錢」給他們也沒所謂。」 這言論被中國網民轉發並標籤「長沙公安」，因為他在長沙也建了一個溜冰場。結果，被長沙公安召見。此事令他覺得要放棄內地生意。
售賣社運為主產品
周小龍曾在愉景新城及K11店舖內放置「民主女神像」，結果一樣被店主要求撤租。店舖被徹租、逾萬件「黑暴產品」內地遭沒收、疫情影響下，令其生意大跌，並傳出欠租消息！不過，最新消息指債務已經還清。最近在荃灣開設「Chickeeduck藝術生活百貨」，專賣以社運為主題的產品。
【Google及蘋果成為目標？ 美歐聯手打擊】
據9月23日晚間消息報導指，一份備忘錄草案顯示，美國和歐盟將聯合計劃採取更統一的方式，限制Google及Apple等科技巨頭公司在市場中日益增長的力量。當前，雙方亦均試圖遏制這些美國大型科技公司，如果美歐聯手採取合作，這將使這些科技巨頭更難對抗新法規。
【國安is watching蘋果：壹傳媒短暫停牌】
隨國安法落實，壹傳媒 (282) 旗下嘅《蘋果日報》多次被國安搜查。尋日警方國安處再次派出近五百名警員大肆搜查《蘋果日報》大樓，並以涉嫌違反國安法拘捕5名《蘋果》重要員工。
壹傳媒 (282) 被停牌
壹傳媒（282）係今個禮拜四（17號）早上9點短暫停牌。雖然公司冇正式披露停牌原因，但外界人士相信停牌原因係同國安處嘅行動有關。 涉嫌違反國安法第29條。國安處以涉嫌違反國安法第29條「串謀勾結外國或境外勢力危害國家安全罪」，拘捕壹傳媒行政總裁張劍虹、壹傳媒營運總裁周達權、《蘋果日報》副社長陳沛敏、總編輯羅偉光同蘋果動新聞平台總監張志偉。國安處高級警司李桂華指《蘋果日報》由2019年到而家，有唔少文章內容係鼓吹外國制裁中國同香港特區政府，並指文章係整個串謀計劃嘅重點。被捕5人屬於《蘋果日報》重要高層，所以對文章嘅內容風格同方針係責無旁貸，更指唔排除會再有人被捕。
公司資產被凍結
除咗引用國安法第29條拘捕5名《蘋果日報》重要高層外，亦引用國安法第43條及實施細則附表三作出凍結令。凍結3間同《蘋果日報》相關嘅公司資產，當中包括蘋果日報有限公司、蘋果日報印刷有限公司、AD Internet Limited，被凍結金額高達1,800萬港元。更有消息指，保安局已要求香港7間銀行唔能夠處理上述3間公司嘅銀行帳戶嘅資產，預料超過800位《蘋果》員工受影響。
市民響應支持《蘋果》行動
好多市民知道《蘋果》再次受到國安處打壓，為表示支持，喺網上發起購買行動。《蘋果》亦趕工加印到50萬份，係今日凌晨已經有市民喺報檔排隊購買。另外，有唔少店舖都響應支持行動，一齊為蘋果員工打氣，如：光榮冰室推出《蘋果》員工半價優惠。
【FB大戰SIGNAL：FB嬲嬲豬刪走SIGNAL廣告】
之前Whatsapp被曝安全私隱問題，導致社交平台移民潮，好多人都轉會去Signal！
而Signal早前表示遭受 FB打壓，禁止他們在Instagram落廣告！為什麼呢？
因為⋯⋯Facebook——包括旗下的Instagram同WhatsApp，一直無所不用其極地搜集用戶個人資料，並轉售資料予第三方！所以，Signal為了控訴Facebook並提醒網民，就在IG投放目標式廣告，針對性地向網民發送極度個人化的廣告！內容包括：網民之婚姻狀況、職業、愛好等，更會顯示廣告目標的位置 不過，Facebook發現這些廣告後，就「大大力ban哂」
惟有說句，Signal今次真心高招！
【再見了～我的童年回憶！見證許留山由盛轉衰】
許留山係咪你地嘅童年回憶呢？想當初小編好鍾意食佢嘅「芒椰奶西」同「咖喱三寶」！ 不過，佢就越做越衰.....最近消息指許留山講清盤結業！多次遭業主入稟追租嘅連鎖甜品店「許留山」，早前以書面回覆債權人，指無力償還債務或與債權人和解，所以並不反對清盤呈請。高等法院近日正式頒下清盤令，許留山正式同大家say byebye 啦！ 今日WavingCat就同大家分享許留山嘅品牌故事啦！
許留山係整龜苓膏起家？
60年代初期，創辦人秉承先父「許留山」之名，於香港元朗街頭以手推車售賣古方龜苓膏及各式涼茶。到80年代許留山進行革新，開始兼售椰汁、糖不甩、果凍、蘿蔔糕等甜品小吃，由傳統涼茶舖逐漸轉型。
事業版圖遂漸擴大
2020年代許留山推出多款創意芒果甜品及飲品，例如：「芒椰奶西」、「多芒小丸子」、「粒粒芒果爽」等等。這些甜品打開了許留山的品牌知名度，許留山一度將版圖擴展到中國大陸、馬來西亞以及南韓。許留山更一度成為旅客景點！
賣甜品賣到上市？
許留山還沒厲害到可以獨自上市。2015年12月許留山獲得內地知名三汁燜鍋品牌「黃記煌」母企煌天國際以5.24億元人民幣收購，並將原來自營模式，改為大舉開設加盟店。煌天國際在收購許留山20個月後，極速在2017年舖路來港上市。
許留山沒落原因係.....?
有人說許留山的食物質素大不如前，令到他們不會再回頭。外來因素主要是因為反修例風波帶來的衝擊，造成訪港旅客銳減，連帶影響許留山當地分店業績欠佳，生意大跌，導致短短數月便關閉10餘間門店。