生活優惠

2024年3月份，如果想搵政府工，特別係公務員位置，暫時有10個學歷要求唔高嘅全新公務員空缺正在招聘中，而且人工勁高！今個月嘅低學歷要求政府工，起薪最高達HK$46,925，超筍！另外，今個月財政司司長辦公室嘅引進辦招請3個職位，既非公務員又非低學歷要求，但人工勁高，約滿可以攞走高達$1,157萬酬金，當然都會介紹畀大家開開眼界！ 引進重點企業辦公室招3職位 約滿最高有$1,157萬落袋！ 今個月有矚目新工，雖然唔係公務員，又唔係易請，但就有超高人工，所以都寫低畀大家開下眼界。屬於財政司司長辦公室下嘅引進重點企業辦公室（又稱引進辦），專門向香港投資管理有限公司推介投資項目，所以招聘並非以公務員為目標，而是期望請到有投資經驗嘅專家。今次招聘3個職位為引進辦主任（月薪$279,600）、引進辦副主任（月薪$219,850）同埋引進辦執行總裁（月薪$189,150）。係3年contract，有約滿酬金15%，即是計返如果做足3年，就分別有$1,157萬、$910萬、$783萬落袋（未計MPF）！學歷要求係學士或以上，但最主要當然都係工作經驗，分別需要最低15年／10年／8年高層行政及管理職位經驗。如你夠料，不妨一試，留意3月15日就截止申請。 引進辦主任詳情：https://csboa1.csb.gov.hk/csboa/jve/JVE_003_text.action?jobid=47760&languageType=1 引進辦副主任詳情：https://csboa1.csb.gov.hk/csboa/jve/JVE_003_text.action?jobid=47761&languageType=1 引進辦執行總裁詳情：https://csboa1.csb.gov.hk/csboa/jve/JVE_003_text.action?jobid=47762&languageType=1 *公務員* 消防處 消防隊長（行動） DSE 5科3級 中英文2級 起薪HK$46,925 *全年招聘* 消防處嘅消防隊長（行動）在學歷方面有階段性要求，唔同學歷入職起薪點唔同，最高要求係學士學位，起薪HK$52,070，最低要求為DSE 5科3級或以上成續，中英文2級或以上，起薪HK$46,925，另外亦有體能、視力測驗。消防隊長（行動）主要負責主管消防局及緊急救援車輛、為消防員提供訓練、指揮及領導消防員執行緊急及防火職務，以及參與行政工作，例如人事管理及策劃等職務。 詳情：https://csboa1.csb.gov.hk/csboa/jve/JVE_003_text.action?jobid=47714&languageType=1 消防隊長 12月起最新體能及視力要求 消防處宣布，2023年12月1日起實施最新嘅體能及視力要求，消防隊長或消防員改變如下：  2023年12月1日起要求舊要求體能要求耐力折返跑50次20米50次20米引體上升90秒內完成1次，或改為傾斜引體上升，90秒內完成3次60秒內完成3次原地跳高43厘米45厘米雙槓雙臂伸屈90秒內完成5次60秒內完成9次屈膝仰臥起坐90秒內完成28次60秒內完成35次掌上壓90秒內完成28次60秒內完成32次坐位體前屈21厘米23厘米俯後撐90秒內完成20次60秒內完成25次視力要求佩戴眼鏡可以不可以視力測驗不佩戴眼鏡讀出第4行； 佩戴眼鏡讀出第6行不佩戴眼鏡讀出第5或第6行 *公務員* 香港警務處 警員 DSE 5科2級 起薪HK$28,095 *全年招聘* 紀律部隊中警員入職起薪算非常高，達HK$28,095。除最基本DSE要求外，須筆試及體能測試等，另外學歷方面亦有彈性處理，未畢業都可以先錄用再讀埋所需學歷。 詳情：https://csboa1.csb.gov.hk/csboa/jve/JVE_003_text.action?jobid=47141&languageType=1 *公務員* 香港海關 關員 DSE 5科2級 起薪HK$24,725 *全年招聘* 海關在要求方面同警員相約，一樣係DSE...

政府成日都想搞旺經濟，夜繽紛完後，繼續添食，搞大佢，18區都搞，而且連日頭都要熱鬧，於是變成全新加強版項目「18區日夜都繽紛」！當中包括夜市、市集、巡遊等，加埋足足有26個活動，大家可以跟住呢個攻略去勻18區食買玩，可以一路玩到去5月架！

消委會測試咗市面15款智能手錶同埋4款智能手環，價錢由200幾蚊到6000幾蚊都有。今次測試主要圍繞運動數據準唔準確，同埋智能程度、使用方便程度、電池表現等範疇比較﹐相當全面。筆者仲會列埋最高分幾隻智能手錶，現時最平購買方法，方便大家入手！

香港食自助餐好貴，不過如果你keep住follow筆者，加上有耐心等到勁優惠先訂枱去食的話，其實絕對可以用正價嘅一半價錢就食到！因為好多自助餐其實有做買一送一、買一送二或者半價優惠，一齊睇下今個月做緊咩自助餐優惠啦！

閒錢收息，不外乎希望利息高而風險低，最好係零風險添，輕輕鬆鬆錢搵錢，用時間賺被動收入，將本金滾大。所以呢，筆者呢度就唔提收息股呢啲風險較高嘅投資喇，純粹比較今個月嘅港元定期利率同埋港元活期利率，等大家新年前揀定個高息戶口，幫自己或仔女儲起利是錢，再賺多筆！（2024年2月7日更新）

呢個時代，無論實體利是又好，電子利是又好，大家都一樣咁鍾意，最緊要個意頭同埋夠大封！所以都真係多咗好多人派電子利是，因為咁多年銀行都有keep住做優惠，派完出去除時抽返個大獎，咁就更happy了！今年電子利是有咩優惠？就等本文為你詳列電子利是2024 所有優惠啦！

如果你係因為懶而冇去進修的話，咁筆者會想提提你，唔進修你會蝕錢，因為只要你係年滿18歲嘅香港人，其實你係有25000蚊嘅資助可以用嚟進修！咁梗係用啦，用嚟讀下啲興趣班都好呀！甚至有機會讀啱課程轉啱行，搵多啲錢就更理想！本文就教你點樣申請持續進修基金啦！唔使驚，唔難架。

做生意，資金唔夠就好多宣傳推廣都做唔到，你又知唔知道，香港有中小企業市場推廣基金EMF，向本地公司提供高達HK$100萬資金做推廣，而且仲唔使還？冇錯，因為係資助嚟嘅！本文就詳細話你知，申請EMF需要嘅資格同埋方法，希望幫到大家順利取得資金啦！

美國郵政署今天在西雅圖歷史悠久的中國城國際區發行了農曆新年：龍年 Forever 郵票。郵政署印製了 2,200 萬枚郵票，現已於郵局和 usps.com 網站發售。

政府垃圾徵費計畫本來打算在4月1日愚人節實施，屆時市民丟垃圾需要使用指定袋，從此丟垃圾就濊涉及成本，邁向用者自付。不過一直有傳指定袋生產數量不足，有關措施指示不清，加上市民在期限前大量丟垃圾，加大清潔工工作量等。環境及生態局局長謝展寰今日（19日）終於表示，收有很多人反映市民不了解垃圾徵費執行方法及細節，並已向特首李家超提出兩項建議，將徵費延後至8月1日實施。