LINE在台灣真係好勁，勁到開埋虛擬銀行LINE Bank，剛剛仲推出一set勁靚嘅LINE Bank聯名信用卡，仲要回贈好吸引，就算筆者唔係台灣人都流晒口水。不過奇就奇在，LINE Bank明明自己係銀行，但今次出信用卡就分別同台灣本土銀行聯邦銀行，同埋外來銀行渣打銀行合作推出。唔緊要啦，今次等筆者詳細解構呢「張」信用卡，再搵香港信用卡去比較下，大家就當觀摩下台灣信用卡市場啦！
Table of Contents
兩張LINE Bank聯名信用卡比較
先詳細解構LINE Bank聯名信用卡先，其實係分開兩張信用卡嚟，分別係LINE Bank聯名信用卡-渣打銀行 同埋 LINE Bank聯名信用卡-聯邦銀行，兩者各有3個卡面選擇，有共通嘅基本回贈，亦有自己獨特嘅消費回贈，而且可以兩張一齊出，食雙倍迎新。
| LINE Bank聯名信用卡–渣打銀行 | LINE Bank聯名信用卡–聯邦銀行 |
卡面選擇    | 卡面選擇   |
| 信用卡類型 World MasterCard | 信用卡類型 Visa Signature |
| 基本回贈 台灣本地簽賬 無上限2%現金回贈 外幣簽賬 無上限3%現金回贈 | |
| 額外回贈 無限次0息6個月分期（單一消費須滿NT$1,000） | 額外回贈 指定網購高達5%現金回贈（基本無上限2%+活動有上限3%，上限每月回贈NT$500） |
| 迎新禮品 高達NT$850 | 迎新禮品 高達NT$850 |
| 年費 主卡 NT$2,400 豁免免年費方法 首年免年費，持卡期間持續使用信用卡電子月結單，即享次年免年費 | 年費 主卡 NT$1,000 附屬卡 NT$1,000 豁免免年費方法 首年免年費，使用電子化帳單(EMAIL帳單、行動帳單或LINE帳單)成功且有效期間內享免年費(或年消費達6萬元以上可折抵次年年費) |
LINE Bank聯名信用卡｜與香港信用卡回贈比較
LINE Bank聯名信用卡唔係只得6個卡面吸引，其實筆者一見佢有2%本地／3%外幣無上限回贈，都在心裡嘩左一聲，但見到網上唔少台灣人柴台，話唔知keep到幾耐，可能半年後跌返落0.5%，似乎呢兩間銀行在台灣口碑麻麻。但呢個後話啦，筆者都諗左好耐香港有冇邊張卡好過佢，結論係冇嘅，只有可能在個別feature上有贏有輸，以下係將幾個主要回贈同香港嘅信用卡比較。
LINE Bank聯名信用卡｜本地簽賬 無上限2%現金回贈
如果又要有2%，又要無上限，香港現時係冇咁嘅信用卡，要本地簽賬回贈率，最高係以下兩張：
- EarnMORE銀聯卡 2% 有上限，每年上限回贈HK$1,500
- sim Credit Card 2% 有上限，每月上限回贈HK$300
要本地簽賬無上限，就最勁呢兩張：
- 渣打Simply Cash 1.5% 無上限
- Citi Cash Back Card 1% 無上限
LINE Bank聯名信用卡｜外幣簽賬 無上限3%現金回贈
外幣方面，高過3%現金回贈大有卡在，不過全部都有上限：
- 信銀國際Motion信用卡 6% 有上限，每月上限回贈HK$200
- 恒生MMPOWER卡 5% 有上限，每月上限回贈HK$800
- 滙豐Visa Signature卡（賞世界）3.6% 有上限，每年上限回贈HK$3,600
如果要無上限，就得呢張最接近：
- 東亞銀行World Mastercard 2.4% 無上限
LINE Bank聯名信用卡-聯邦銀行｜指定網購高達5%現金回贈
網購卡香港就多勁卡喇，隨便都有以下幾張：
- AEON CARD WAKUWAKU 6% 有上限，每月上限回贈HK$300
- 信銀國際Motion信用卡 6% 有上限，每月上限回贈HK$200
- 恒生MMPOWER卡 5% 有上限，每月上限回贈HK$800
LINE Bank聯名信用卡-渣打銀行｜無限次0息6個月分期
上次都寫過香港嘅信用卡分期，如果要免息，而家得恒生／富邦／livi／安信做緊3個月免息分期，唔及LINE Bank X 渣打銀行嘅無限次6個月，呢個feature就真係贏晒全香港喇！
香港原來都有LINE信用卡：ICBC LINE FRIENDS信用卡
香港其實一直都有LINE信用卡，ICBC工銀亞洲2018年就已推出ICBC LINE FRIENDS信用卡，分為Visa Signature卡同埋銀聯雙幣鑽石卡，一共以下4個卡面。
 |  |
 |  |
對比台灣新出嘅LINE Bank 聯名信用卡，在卡面方面走嘅路線完全唔同，台灣係行簡約路線，設計感強，香港則走本地文化路線，有冰室、富豪雪糕車、茶餐廳同香港景點做主題，共鳴感強，可謂各有千秋。
不過在Card feature上，ICBC就要輸9條街了。雖然現金回贈都係無上限，不過就得0.5%（本地同外幣相同回贈率），分期亦都要收息，但有香港LINE FRIENDS優惠，每月8、18及28日尊享香港LINE FRIENDS POP-UP STORE指定貨品購物95折同埋優先獲邀參加指定香港LINE FRIENDS活動，似Fan card多過一張有野心嘅信用卡。
Follow我們 Social Channel 得到最新資訊 : IG: wavingcat.hk FB: WavingCat招財貓