恒生MMPOWER係恒生早前推出嘅新信用卡，其實又新唔晒，咪即是以前嘅MPOWER更新咗，但又唔係多個「M」同換card face咁膚淺，係連優惠都全面升級，甚至有人話佢係新卡王咁誇張。究竟MMPOWER嘅5%回贈係咪全城最好？呢5%回贈又係點計，等筆者誠實地報告你知。
Table of Contents
高網上回贈信用卡比較 恒生MMPOWER係三甲之選
| 信用卡 | 網上簽賬回贈率 | 回贈上限 | 年費 |
| AEON WAKUWAKU | 6% | HK$300（每月） | 永久免年費 |
| 信銀國際Motion | 6% | HK$200（每月） | HK$1,200（首年免年費） |
| 恒生MMPOWER | 5% | HK$800（每月） | 永久免年費 |
| 中銀Chill Card | 5% | HK$150（每月） | 永久免年費 |
| DBS Live Fresh | 5%（指定類別） | HK$150（每月） | HK$1,800（首年免年費） |
| 滙豐Red信用卡 | 4% | HK$500（每月） | 永久免年費 |
| 建行(亞洲)京東信用卡 | 4% | HK$5,714（每年） | 永久免年費 |
MMPOWER第一大賣點，必然係5% +FUN Dollars回贈，介紹返佢嘅5%回贈分開兩部分，第一部分係網上簽賬，第二部分係自選簽賬類別，兩部分共用同一上限，每月最高回贈HK$800。
先比較網上簽賬，上表係市面嘅網上回贈較高（4%或以上）信用卡比較，清楚見到回贈率就未到MMPOWER最高（但都係第二），但回贈上限就最多，睇你每月簽多定簽少，但都肯定係三甲之一。MMPOWER有以下兩點值得一提。
1. 回贈上限高
5%回贈上限為每月HK$800，即是每月簽HK$16,000先打爆，屬非常高上限，特別適合用嚟做信用卡交租，上一代MPOWER係可以交租賺回贈，呢一代MMPOWER現時已見到RentSmar更新咗，將MMPOWER 5%回贈加落佢地嘅回贈計算機（見下圖），理論上可以用到，大家不妨留意下，如果用到每月賺返HK$800回贈都真係非常和味。而其他交租平台就仲未見有update。
2. 移除簽賬要求
上一代MPOWER回贈率唔低，不過最難用係有最低消費，每月最少簽HK$3,000先有回贈，今代MMPOWER已移除簽賬要求，無門檻，有簽就有得回。
拍卡5%回贈 先係恒生MMPOWER最強回贈
再嚟講下自選簽賬類別5% +FUN Dollars回贈，需要事先登記返你揀嘅類別，之後先有回贈。5個自選簽賬類別包括：
- 手機支付
- 餐飲 (所有食府堂食及外賣簽賬)
- 旅遊及外幣簽賬 (酒店、航空公司、旅行社等)
- 電子產品
- 娛樂 (影視及音樂串流平台、全港戲院、本地主題公園、Cityline購票通平台之簽賬等)
5個裡面可以揀2個類別，後面4個唔需要多講啦，範圍唔清楚就睇恒生MMPOWER條款，筆者係極力推薦大家揀手機支付嘅，點解？因為手機支付（或者我會叫拍卡）係包括Apple Pay、Google Pay、雲閃付同埋Samsung Pay，即是話如果你自選咗手機支付，你去做餐飲、旅遊及外幣簽賬、電子產品、娛樂嘅消費時，只要佢可以拍卡收錢，你都有5%回贈！大家又搵下香港有邊間舖係收卡但唔收拍卡？都會有嘅，但難搵囉。（外遊嘅話就可能要揀返旅遊及外幣簽賬，因為外國唔收拍卡機會較高，不過MMPOWER有1.95%外幣交易手續費，未必係外遊簽賬嘅最好選擇）
信用卡拍卡回贈比較
而5%拍卡回贈又係咩概念呢？下表係市面嘅拍卡回贈比較，MMPOWER贏其他2%嘅成條街。正常高咁多，銀行唔係開善堂，總會調整返，有得用好盡情用喇。
| 信用卡 | 拍卡回贈率 | 回贈上限 | 年費 |
| 恒生MMPOWER | 5% | HK$800（每月） | 永久免年費 |
| EarnMORE銀聯卡 | 2% | HK$1,500（每年） | HK$1,500（首2年免年費） |
| eye Visa 卡 | 2% | HK$1,500（每年） | 永久免年費（首年免年費） |
| Citi Cash Back Card | 1% | 無上限 | HK$1,800 |
恒生MMPOWER伏位係回贈+FUN Dollars 但恒生即刻改好！
恒生MMPOWER初出時，本來有以下兩大伏位：
- +FUN Dollars／Cash Dollars找唔到卡數
Cash out唔到唔緊要，但找唔到卡數，其實又唔難叫做現金回贈，要逼住去消費扣數或者換返相等價值商品，好麻煩 - 只限指定商戶先用到
就算你唔介意要去消費或換，你都要去佢指定嘅商戶先至用到，好麻煩 x 2
不過隨住恒生7月中開始改返好，+FUN Dollars都可以在恒生app內用嚟找卡數，恒生MMPOWER真正變成一張現金回贈卡，現時已不存在任何伏位，可以安心使用！惟一係現時恒生MMPOWER回贈水平比市面任何信用卡都高，要睇佢可以捱得幾耐，而家就盡情用住先啦！
恒生MMPOWER 其他亮點
今次MMPOWER確係恒生誠意之作，除5%回贈之外，仲有以下亮點：
1. 現有客戶有迎新
新客HK$700（或10張2D戲飛），舊客都有HK$300（或5張2D戲飛），好過其他大部分銀行，唔係新客乜都冇
2. 永久免年費
雖然話大部分信用卡都可以打電話去waive年費，但永久豁免幾時都係最好
3. MCL戲院回贈
上次戲院優惠2023都有寫，MMPOWER有加1蚊換戲飛同埋網上購票免手續費等優惠，去開MCL應該要有呢張卡
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
