9月份，如果想搵政府工，特別係公務員位置，絕對係好時機，雖然最多人等緊嘅ACO（助理文書主任）仲未有聲氣，但就有11個學歷要求唔高嘅全新公務員空缺正在招聘中，而且人工唔差！今個月嘅低學歷要求政府工，起薪最高達HK$39,315，超筍！
Table of Contents
*公務員* 懲教署 工藝導師(餐飲服務業) 中三或以下 起薪HK$39,315
呢個職位其實係同教育有關，雖然學歷要求低，但需要受過餐飲及餐廳運作訓練，並有不少於10年相關工作經驗，主要負責訓練及指導在囚人士從事餐飲及餐廳運作行業嘅職業訓練，協助佢地嘅職業發展同埋培訓。需要著制服，有機會要輪班同埋住宿舍。
詳情：https://csboa1.csb.gov.hk/csboa/jve/JVE_003.action?jobid=47252&languageType=1
*公務員* 水務署 二級監工(電機) 中三學歷 起薪HK$24,380
水務署二級監工(電機)主要負責督導初級員工及承建商進行電機設備同裝置嘅安裝、操作、維修、保養及監控工作，亦要管理物料及存貨，同埋執行工藝工作，有機會需輪班。如果你有5年或以上擔任電機工程熟練工人工作經驗，或者完成電機工程學徒訓練加上兩年工作經驗，咁樣中三學歷就足夠，否則就需要有電機工程學證書先可以申請。
詳情：https://csboa1.csb.gov.hk/csboa/jve/JVE_003.action?jobid=47253&languageType=1
*公務員* 房屋署 技術主任（結構工程） 文憑或證書 起薪HK$24,380
房屋署技術主任（結構工程）主要負責鋼筋彎度表，進行小型工程設計、計算鋼材及混凝土數量、繪製結構圖及計算相關細節、查核及巡視工地，以及執行屋宇監管職責。申請須有結構工程學或土木工程學文憑或高級證書。
詳情：https://csboa1.csb.gov.hk/csboa/jve/JVE_003.action?jobid=47253&languageType=1
*公務員* 懲教署 工藝教導員(製衣) 中三或以下 起薪HK$24,040
同上面懲教署嘅餐飲服務業導師差不多，都係負責同在囚人士進行職業訓練，呢個post係教成衣或個人防護裝備生產，需要完成有關成衣或紡織行業嘅訓練，與及最少5年相關工作經驗。
詳情：https://csboa1.csb.gov.hk/csboa/jve/JVE_003.action?jobid=47251&mylang=1
*公務員* 消防處 二級特別攝影員 DSE中英文合格 起薪HK$22,895
消防處二級特別攝影員主要職責為影相、拍片、沖晒、為照片存檔，要去火警或特別服務事故現場拍攝做呈堂證據，同埋要為自己影嘅相去法庭作供，學歷只要求DSE中英文合格，但呢份工明顯需要有啲使命感同埋膽量先做到。
詳情：https://csboa1.csb.gov.hk/csboa/jve/JVE_003.action?jobid=47262&languageType=1
*公務員* 環保署 環境保護督察 文憑或高級證書 起薪HK$22,895
環境保護督察主要職責範圍甚闊，包括執法，即是處理有關污染嘅投訴並執行環保法例職務，亦要提供技術支援如巡查、抽取及分析環境樣本等，同埋監督初級員工嘅日常工作等等。入職要求有指定理科或工程嘅文憑或高級證書。
詳情：https://csboa1.csb.gov.hk/csboa/jve/JVE_003.action?jobid=47262&languageType=1
*公務員* 海事處 高級技工（打磨／縫帆及索具） 小學學歷 起薪HK$22,895
海事處嘅高級技工（打磨／縫帆及索具）主要負責一般金屬打磨同設備維修，同埋製造遮篷、護舷墊以及一般索具裝置，有機會需要輪班、惡劣環境下進行戶外工作之外，亦有可能需要在水警前線基地同埋政府船隻上工作。必須要受過打磨／車牀或燒焊／縫帆及索具並有兩年或以上工作經驗。
詳情：https://csboa1.csb.gov.hk/csboa/jve/JVE_003.action?jobid=47261&languageType=1
*公務員* 水務署 二級工程化驗室技術員 文憑或證書 起薪HK$22,895
主要負責執行物理、化學、輻射、細菌及生物嘅化驗、分析及取樣工作，學歷方面需要有化學科技文憑或高級證書，另外水務署同時都請緊見習工程化驗室技術員，起薪HK$16,025，學歷方面就鬆手啲，冇文憑或證書的話，DSE化學3級或以上都可以申請。
詳情：https://csboa1.csb.gov.hk/csboa/jve/JVE_003.action?jobid=47261&languageType=1
*公務員* 衞生署 牙齒衞生員 副學士或高級文憑 起薪HK$18,965
呢個職位學歷要求唔算低，僅僅無需大學學位，但就需要係已向香港牙醫管理委員會註冊為執業牙齒衞生員，有經驗的話仲有機會跳point，不過現職政府牙齒衞生員就唔可以申請喇。牙齒衞生員主要職責係清潔牙齒、去除牙石和牙漬、使用預防牙患藥劑、拍攝口腔內外X光片等。
詳情：https://csboa1.csb.gov.hk/csboa/jve/JVE_003.action?jobid=45773&languageType=1
*公務員* 康文署 技工(泳灘/泳池) 小學學歷 起薪HK$18,965
呢份技工(水上活動中心救生員)主要職責係執行拯溺、急救、清潔工作，協助執行法例同維持秩序、執行冬季職務，須每星期淨工作45小時。學歷只要求達小學六年級，但就要求視覺敏銳度達6/60、救生章、急救證書等，需要通過技能測試，做過政府救生員有優先。
詳情：https://csboa1.csb.gov.hk/csboa/jve/JVE_003.action?jobid=47220&languageType=1
*公務員* 康文署 技工(水上活動中心救生員) 小學學歷 起薪HK$18,965
同上面嘅另一份康文署技工大部分相同，但就唔係負責泳灘同泳池，而係負責水上活動中心，所以會有額外嘅水上活動器材同裝備嘅保養維修要做，但總體分別不大，都係以人嘅安全為最優先。
詳情：https://csboa1.csb.gov.hk/csboa/jve/JVE_003.action?jobid=47231&languageType=1
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
