最近深圳山姆超市熱爆，唔少香港人特登去掃貨，貪佢多嘢買，價錢平，量又多，仲要勁大間行極都行唔完，唔止為屋企掃貨，當做半日行程都仲得。不過留意返，山姆超市唔係話入就入，需要付年費做會員先得嘅，本文就送你完整山姆超市攻略，由做會員、年費、搭山姆專線去分店、網購、再到送貨，全部教晒你！
Table of Contents
山姆超市｜山姆超市是甚麼？
山姆超市即是山姆會員商店，係美國 Walmart 旗下大型倉儲式超市，中國首間山姆超市於1996年在深圳開幕，而家已擴展至全國城市包括北京、上海、杭州、珠海等地。山姆超市採收費會籍制度，貨品待色為大量、平價、乜都有，近來更吸引大量香港人返深圳山姆超市掃貨。
山姆超市｜深圳4間門市分店詳情
| 山姆超市深圳分店 | 營業時間 | 地址 |
| 龍崗店 | 07:30 – 22:00 | 廣東省深圳市龍崗區黃閣南路1號星河時代購物公園內 |
| 深圳龍華店 | 09:00 – 22:00 | 廣東省深圳市龍華區龍華街道梅隴路1111號壹成中心17地塊E區L1-020號舖 |
| 福田店 | 09:00 – 22:00 | 廣東省深圳市福田區僑香路與農林路交界東南的深層國投商業中心一層二層與負一層 |
| 前海店 | 08:00 – 22:00 | 深圳南山區怡海大道5246號 |
山姆超市｜深圳以外分店：https://www.samsclub.cn/shoplist
山姆超市｜山姆APP網購
除咗親身上去實體店入貨之外，山姆超市其實亦提供網購，透過「山姆會員商店APP」（或稱山姆APP），會員可以直接瀏覽貨品同埋落單，亦可以寄返香港。或者你都可以經京東網購，京東平台上有「山姆會員商店官方旗艦店」，註冊後就可以用集運寄返香港。
呢個係山姆會員商店APP下載QR Code：
山姆超市｜香港人做會員 申請教學及年費
山姆超市都接受香港人做會員，不過線上申請會員就要大陸身分證，香港人需要親身去到門市做，不過好彩過程相當簡單。
香港人要帶回鄉證及內地電話號碼
香港人要成為山姆超市會員，需要帶同 1. 回鄉證，同埋 2. 內地電話號碼，親身去到任何一間山姆超市門市，在入口就可以辦理會籍，可以即時開通就入場掃貨。
山姆超市年費
山姆超市會籍分為普通會籍同埋卓越會籍，有唔同年費，需要交咗年費先入到場。兩個級別都可能帶3個親友入場，亦會另外送多張親友卡畀你，用法同主卡一樣。兩個會籍年費相差唔少，分別係卓越會籍有額外福利例如積分回贈、運費券等，適合大戶。以下係兩個會籍現時年費：
- 普通會籍年費：260 人民幣
- 卓越會籍年費：680 人民幣
山姆超市｜山姆專線巴士 香港市區上落客點
去開深圳玩嘅朋友可以就自己方便去就近山姆超市，咁如果一心諗住由香港出發，只去山姆超市掃貨嘅朋友又有冇其他選擇？都有！現時香港有兩條中港專線可以由香港市區直達深圳山姆超市，留意中港巴都有自己嘅行李限制，如太多嘢買，回程就記得買多個位或者買多個行李倉位喇！
永東巴士 $100來回 福田山姆店
來往山姆分店：福田山姆店
車費：單程HK$65，來回HK$100（香港國際機場出發單程HK$150，不設來回）
港島上落客點：／
九龍上落客點：尖沙咀中港城、旺角油麻地、觀塘APM、鑽石山荷里活廣場
新界上落客點：沙田希爾頓中心、葵芳新都會廣場、荃灣如心廣場、元朗Yoho Mall、屯門Vcity、香港國際機場（有額外收費）
網上購票：https://www.myeebus.com/eebusfans/
環島中港通 HK$120起來回 前海山姆店
來往山姆分店：前海山姆店
車費：單程HK$60（港島HK$70、機場HK$200），來回HK$120（港島HK$130、機場HK$360）
港島上落客點：上環信德中心、銅鑼灣時代廣場、灣仔史釗域道、北角渣華道
九龍上落客點：尖沙咀海港城、尖沙咀圓方、尖沙咀 K11、旺角朗豪坊、旺角洗衣街、太子砵蘭街、九龍塘沙福道、黃大仙中心、裕民坊凱滙、油塘大本型、AIRSIDE、將軍澳東港城、將軍澳健明邨、牛頭角下邨
新界上落客點：荃灣德海街、沙田、大圍、屯門、香港國際機場
網上購票：https://www.zakc.group/home?pageFrom=kc
山姆超市｜順豐半日送到香港
如果想送貨，無論係親身到店或者山姆APP網購，而家都可以用順豐寄件，服務名為「深港半日達服務」，早上11點前成功收件，半日就送到香港指定地址，但如早上11點後先收件，就要到第二日下午先送到，所以收件時間非常重要。
順豐深港半日達詳情
山姆分店：福田店及龍華店
營業站點地址：
- 福田營業站：深圳市福田區農林路69號印力中心1樓
- 龍華營業站：深圳市龍華區龍華街道東吳工業園9棟1樓壹城中心
- 山姆APP網購收貨地址請填寫福田營業站地址
收費：首3公斤人民幣50元，續重每0.5公斤人民幣5元
禁運清單
- 生鮮肉類
- 冷藏冷凍
- 含有肉蛋奶類商品
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
