港股美股跌足年幾，相信好多人都已經（甚至一早）就轉揸現金，等低位入市。執筆之時，恒指已經早已重返萬六點水平，唔敢妄言後市走勢，但如果咁啱你睇好想入市，記得揀個好股票平台。本文比較香港10個主要證券平台，包括網上平台、傳統證券商、與及本地銀行，佢哋嘅港股同埋美股買賣收費，方便大家以收費為其中一個因素去選擇股票平台。
開始之前，戴返個頭盔先，本文只係純粹比較收費，僅供參考用途，絕非投資建議。
Table of Contents
香港10個主要證券平台 港股/美股買賣收費比較表
以上資料截至2022年11月4日，以個別證券商公布為準。
投資金額細 留意最低佣金
要簡單比較買賣收費，其實唔易，又佣金、又平台費，仲有存倉費，點揀先好？首先你要知道自己嘅資金大小與及投資習慣。
資金大小主要影響佣金，免佣嘅先唔談論，唔好證券商，特別係傳統銀行，會分成唔同級別投資戶口，愈高級佣金愈低，當然相對投資金額要求愈高；另外亦要留意最低佣金，最低佣金對港股影響不大，舉個例，渣打最低佣金HK$50，好似好多，但佣金要0.20%，即是買賣HK$25,000就達標，以最少一手買賣嘅港股來講，門檻算合理，所以除非主要買賣低價股，否則最低佣金分別不大。相對地，美股只需單股即可買賣，最低佣金就變得非常大影響，更須留意。
高頻率炒家 留意平台費
至於平台費，常見於一啲極低佣金嘅網上平台，當你見到佣金低到接近零時確實非常吸引，但其實好多都收所謂平台費。平台費分兩種，一種係每次交易都收固定金額，另一種係月費形式，每月收一次就任用。平台費一般唔會同買賣金額掛勾，反而買賣頻率就非常影響平台費成本。月費形式平台費，每個月愈多買賣，成本就愈低，以SoFi為例，每月收你HK$30，如果你只買賣1次，平台費成本就係HK30，如果買賣3,000次，平台費成本HK$0.01。而每次交易都收嘅固定平台費（通常配合極低佣金），就要留意，佢真係每次都收，買計1次，賣計1次，如果你炒即日價位，平台費HK$15，即是每口價最低平台費盛惠HK$30，出入10次就HK$300，唔係大戶的話分分鐘賺完都唔夠畀平台費。
收費並非唯一選擇因素
如果細心比較證券收費，你會發現有啲真係好誇張，可以做到免佣免平台費，接近免費，不過係咪平就係好呢？當然唔係，如果只睇價錢，銀行豈非無存在價值？一個好嘅股票平台，除咗成本之外，仲需要資料準確豐富、圖表清晰、報價落單反應快、資金安全、提款存款方便等等，非常多因素，大家記得要小心選擇！
Follow我們 Social Channel 得到最新資訊 : IG: wavingcat.hk FB: WavingCat招財貓
