只從星期一講完恆指一直橫行之後港股好快就選擇咗方向，但可惜嘅係「熊軍勝牛軍」。恆指向下突破咗橫行格局，現時處於向下走嘅階段。睇返目前狀況係慢慢咁跌，慢慢令投資者對股市失去信心，再慢慢步入返牛市。今個星期先有恆大系股票洗倉，如中國恒大 (03333)，恒大物業 (06666)，恒大汽車 (00708)，恒騰 (00136)。
不過係下跌市嘅情況就好似一面照妖鏡，未必所有股票都咁唔樂觀，我自已就比較睇好太陽能/風電。就好似係今日跌市情況下，中國中治 (1618) 上午收市前升咗13%。其實中國中治係前一季度，公司新簽合同6151憶，同期增長32%，比起2019年同期增長61%。
由於全球國家都推行環保能源，而中國嘅目標係2060年前達到碳中和。如果論生產國嚟講，中國一定係全球最大生產國，所以有中國嘅政策推動再加上全球需求底下，太陽能板塊有一定嘅熱炒概念。
另外，如果大家想追落後嘅太陽能板塊，可以考慮下卡姆丹克太陽能 (712)，陽光能源 (757)。以上兩隻都係市值比較低嘅太陽能板塊：卡姆丹克太陽能市值5億；陽光能源 18億。如果佢地係今年有一個好嘅業績再加上熱炒概念，相信係下半年應該可以帶嚟唔錯嘅回報。
免責聲明：本平台發佈的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本平台及相關作者無關。而WavingCat旗下網站或社交平台的網誌內容及觀點，僅屬筆者個人意見，與WavingCat立場無關。
Follow我們 Social Channel 得到最新資訊 : IG: wavingcat.hk FB: WavingCat招財貓
