滙豐嘅Red卡早年被籲為神卡，但早前佢竟然cut網購回贈限額，仲改咗唔少條款。依家滙豐變本加厲，宣布11月9日起，旗下所有信用卡在香港以外或非香港註冊商戶，以港元進行的信用卡交易收取1%的跨境港幣交易費，意味訂機票酒店、海外網購平台簽帳都有機會收取這1%錢，包括Uber、Spotify同iHerb都唔例外！
跨境港幣交易費（Cross-Border Fee，CBF）下，大家在海外用信用卡簽帳，或海外網站買嘢的時候，以港元簽帳，信用卡公司會收取的一個費用，一般信用上公司會按港元簽帳數目，收取1%費用，即你簽$100，信用卡公司收你$1。
不過，既然係海外簽帳，其實大家可以用外幣來作海外簽帳，信用卡公司（Visa/Master)一般費用為1.95%，睇落高過CBF的1%，然而以港幣結算計算的匯率，實收費用可能是「原價」的3至5%，所以有時候，用外幣結算簽帳反而有着數！
早年的信用卡大戰已經結束，不少銀行都紛紛收水，連滙豐都要收CBF。有網民就呻，其他信用卡網上簽帳Agoda、Uber、iHerb及Spotify，因為公司註冊地並非香港，要收取1%
所以大家網購時，請先查證公司是否在香港註冊。
（聲明：上述文章僅供參考，並不構成任何投資建議。讀者宜按自己的能力及認知，而作出投資決定。）
Follow我們 Social Channel 得到最新資訊 : IG: wavingcat.hk FB: WavingCat招財貓
