2024年7月份，如果想搵政府工，特別係公務員位置，暫時有14個學歷要求唔高嘅全新公務員空缺正在招聘中，而且人工勁高！今個月嘅低學歷要求政府工，起薪最高達HK$46,925，超筍！另外，甚少請人嘅民航處請緊見習航空交通管制主任，值得留意。今個月仲出廣告招聘政府經濟顧問，起薪HK$264,950，計返年薪超過300萬架！
Table of Contents
7月奇工 政府請經濟顧問 月薪26萬起！
雖然唔係普通人可以做到，但見識下無妨，話說今個月驚見財政司司長辦公室正在招聘政府經濟顧問一職，起薪達HK$264,950，計返年薪超過300萬！現任嘅政府經濟顧問係梁永勝，2022年由副政府經濟顧問升職，接替退休嘅歐錫熊坐正。至於現任嘅副顧問係林幗瑛博士，如果你有信心揪得贏佢，不妨試下申請，7月23日截上。
*公務員* 消防處 消防隊長（行動） DSE 5科3級 中英文2級 起薪HK$46,925 *全年招聘*
消防處嘅消防隊長（行動）在學歷方面有階段性要求，唔同學歷入職起薪點唔同，最高要求係學士學位，起薪HK$52,070，最低要求為DSE 5科3級或以上成續，中英文2級或以上，起薪HK$46,925，另外亦有體能、視力測驗。消防隊長（行動）主要負責主管消防局及緊急救援車輛、為消防員提供訓練、指揮及領導消防員執行緊急及防火職務，以及參與行政工作，例如人事管理及策劃等職務。
詳情：https://csboa2.csb.gov.hk/csboa/jve/JVE_003_text.action?jobid=48257&languageType=1
*公務員* 懲教署 工藝導師(膳食) 中三畢業 起薪HK$39,315
工藝導師(膳食)主要負責督導工藝教導員(膳食)，訓練、指導與監管懲教設施內在囚人士進行各項廚務/餐類製作，等等。睇人工就知呢個職位唔低，學歷要求只需中三，但注重經驗，需10年或以上膳食工作經驗。留意申請截止日期為7月11日，有興趣請盡早報名。
詳情：https://csboa2.csb.gov.hk/csboa/jve/JVE_003_text.action?jobid=48234&languageType=1
*公務員* 香港警務處 警員 DSE 5科2級 起薪HK$28,095 *全年招聘*
紀律部隊中警員入職起薪算非常高，達HK$28,095。除最基本DSE要求外，須筆試及體能測試等，另外學歷方面亦有彈性處理，未畢業都可以先錄用再讀埋所需學歷。
詳情：https://csboa1.csb.gov.hk/csboa/jve/JVE_003_text.action?jobid=47141&languageType=1
*公務員* 民航處 見習航空交通管制主任 DSE 5科3級 起薪HK$25,395
民航處嘅見習航空交通管制主任工作，主要係接受訓練，同埋執行同航空交通管制有關嘅工作，包括航空交通事務員工作，須要24小時輪班當值。最低學歷要求為DSE 5科3級或以上成續，起薪HK$25,395，留意申請截止日期為7月12日，有興趣請盡早報名。
詳情：https://csboa2.csb.gov.hk/csboa/jve/JVE_003_text.action?jobid=48204&languageType=1
*公務員* 香港海關 關員 DSE 5科2級 起薪HK$24,725 *全年招聘*
海關在要求方面同警員相約，一樣係DSE 5科2級同埋考筆試、體能測試等。起薪稍低，只得HK$24,725，比警員低HK$2,000以上。留意返海關關員或有需要在前線執勤，需要佩槍，有一定危險性。
詳情：https://csboa2.csb.gov.hk/csboa/jve/JVE_003_text.action?jobid=48229&languageType=1
*公務員* 勞工處 二級勞工督察 DSE 5科2級 起薪HK$24,380
勞工處嘅二級勞工督察，主要工作為獨立巡查工作場所執行勞工法例、調查違反勞工法例案件、打擊非法僱傭活動等。最低學歷要求為DSE 5科2級或同等學歷，與及符合語文能力要求，即是中英文都要2級或以上。起薪HK$24,380，留意申請截止日期為7月12日，有興趣請盡早報名。
詳情：https://csboa2.csb.gov.hk/csboa/jve/JVE_003_text.action?jobid=48247&languageType=1
*公務員* 入境事務處 入境事務助理員 DSE 5科2級 起薪HK$24,380 *全年招聘*
紀律部隊中，入境事務助理員危險性較低（但並非全無危險），起薪也較低，只有HK$24,380。入境事務助理員負責執行入境、人事登記、生死及婚姻登記等職務，需要負責搜查、看管、護送、巡邏、接待、駕駛等工作，唔係只等你落機吸個印咁簡單。
詳情：https://csboa2.csb.gov.hk/csboa/jve/JVE_003_text.action?jobid=48168&languageType=1
*公務員* 懲教署 二級懲教助理 中五畢業 起薪HK$23,365 *全年招聘*
二級懲教助理主要職責係監督在囚人士、教導所／更生中心嘅青少年同埋戒毒所內嘅戒毒者，一睇就知並唔輕鬆，一樣要考體能，起薪同警員相差超過HK$4,500。不過如果成續好啲，再考埋護士證書，起薪都可以去到HK$25,800，咁就好睇好多。
詳情：https://csboa2.csb.gov.hk/csboa/jve/JVE_003_text.action?jobid=48225&languageType=1
*公務員* 消防處 高級技工 小學學歷 起薪HK$22,895
消防處嘅高級技工工作，包括測試、檢查、維修及改裝系統或裝備、消防車保養及維修、操作檢測機械等，可能須輪班和不定時工作及穿着制服／防護衣物。小學學歷即可，但需完成電力、機械、汽車或消防工程學徒訓練及最少2年相關工作經驗，或者最少6年相關工作經驗。起薪HK$22,895，留意申請截止日期為7月11日，有興趣請盡早報名。
詳情：https://csboa2.csb.gov.hk/csboa/jve/JVE_003_text.action?jobid=48252&languageType=1
*公務員* 政府化驗所 實驗室服務員 中三或以下 起薪HK$18,965
政府化驗所實驗室服務員學歷要求只係中三或以下，但就需要1年相關實驗室工作經驗，主要職責為清潔、預備和保養實驗室設備，以及協助處理實驗室廢料和預備實驗室試劑。起薪HK$18,965，留意申請截止日期為7月11日，有興趣請盡早報名。
詳情：https://csboa2.csb.gov.hk/csboa/jve/JVE_003_text.action?jobid=48238&languageType=1
*公務員* 衞生署 牙齒衞生員 副學士或高級文憑 起薪HK$18,965 *全年招聘*
呢個職位學歷要求唔算低，僅僅無需大學學位，但就需要係已向香港牙醫管理委員會註冊為執業牙齒衞生員，有經驗的話仲有機會跳point，不過現職政府牙齒衞生員就唔可以申請喇。牙齒衞生員主要職責係清潔牙齒、去除牙石和牙漬、使用預防牙患藥劑、拍攝口腔內外X光片等。
詳情：https://csboa1.csb.gov.hk/csboa/jve/JVE_003_text.action?jobid=45773&languageType=1
*公務員* 二級私人秘書 DSE 5科2級 起薪17,770 *全年招聘*
同ACO一樣，二級私人秘書都已變成全年招聘，不過二級私人秘書同CA、ACO職責上有分別，係負責做秘書工作，要做埋日程管理、辦公室支援等。二級私人秘書起薪只比ACO高少少，但就要JRE合格，難度唔低，所以唔算太熱門，喜歡秘書工作，又對自己有信心嘅，而家可以隨時申請。
詳情：https://csboa2.csb.gov.hk/csboa/jve/JVE_003_text.action?jobid=48042&languageType=1
*公務員* 助理文書主任（ACO） DSE 5科2級 起薪16,695 *全年招聘*
早前政府update了最新招聘，其中最爆炸性係以往最多人關心嘅低學歷空缺 助理文書主任ACO已經轉為全年招聘！可見政府真係幾唔夠人用，有心考嘅朋友可以放膽嘗試。ACO主要負責政府部門嘅文書工作，都多嘢做架，亦要考技能測驗（打字同Excel），面試成功之後先會知派去邊個部門。
詳情：https://csboa2.csb.gov.hk/csboa/jve/JVE_003_text.action?jobid=48041&languageType=1
*公務員* 文書助理（CA） 中四學歷 起薪14,735 *全年招聘*
同ACO一樣，CA都已變成全年招聘，一樣都係負責政府部門嘅文書工作，亦要考技能測驗（打字同Excel），面試成功之後先會知派去邊個部門，比ACO低一級。
詳情：https://csboa2.csb.gov.hk/csboa/jve/JVE_003_text.action?jobid=48040&languageType=1
Follow我們 Social Channel 得到最新資訊 : IG: wavingcat.hk FB: WavingCat招財貓
