屯門NOVO LAND 3B期在上周六(22日)開售，已售出85%單位，其中最大手買家斥約1,160萬元購入2伙兩房單位。周一（23日）有網民表示自己最近購入NOVO LAND一個2房單位，並引起女同事注意，態度出現「360度」轉變，更相約其他女同事周五一起到其會所玩。
Table of Contents
原文：
//公司隔離team有幾個女同事都幾靚女，性格又幾好，所以都長期keep住有人追。咁話說小弟最近就係Novoland買咗個2房單位，班女同事知道咗之後對我態度即刻嚟咗個360度大轉變，返工會主動撩我傾計，又會約我一齊食lunch，有時下午餐買咗蛋糕又會主動拎過嚟問我食唔食。就係頭先其中一個女同事wts我話個水上樂園同個會所睇落好大同好靚，問我嚟緊個星期五放工可唔可以車埋佢地成班女仔過嚟我度挽，仲話反正我有2房，不如挽完上埋嚟我度訓一晚，佢地班女仔迫迫地訓一間房就可以了😓，我到依家都唔知點覆佢地好😓//
作得幾好
樓主貼文最後指令其相當為難，不知如何回覆才對。有其他網民留言指「你會唔會諗多咗？人哋見你依家先嚟買新樓，仲要係novoland，當你係另外一個何伯？」、「由始至於都是兵，是水魚」。更有人懷疑樓主作故仔，「萬幾蚊一呎既樓吹到可以溝死女」。
更有網友改編基督教經文《主禱文》，祝願該盤入伙後，銀行估價拾級而上，「因為身家、光陰、一生，全部槓桿，直到供甩」，希望該盤收樓入伙之時，不用「抬錢上會」及「call loan」。更有人引另一篇討論NOVO LAND交通的貼文提醒樓主不要留女同事過晚，否則就要等半公里的人龍上巴士。
下周再開
綜合媒體報導，樓主並未表明相關單位是否屬於最新販售的3B期。新地副董事總經理雷霆表示，項目的首輪銷售累沽136伙，預計下周進行次輪推售，不少於兩成單位，將涵蓋開放式至3房，不會再調整價格，相信目前價格有很大吸引力，同時指出集團上半年銷售金額達150億。
Follow我們 Social Channel 得到最新資訊 : IG: wavingcat.hk FB: WavingCat招財貓