加拿大移民部長Marco Mendicino係尋日宣佈，為身處加拿大嘅香港居民新增獲得永久居留權嘅兩大途徑。推出新措施原因係加拿大政府認為香港人現受到《港區國安法》同人權嘅打壓，所以決定加碼推出移民措施協助港人移居加拿大，勢同香港人同行。
Table of Contents
救生艇合資格人士
1) 曾在加拿大讀書: 申請人要係過去三年就讀加拿大認可嘅專上教育機構或大學，並完成最少兩年嘅文憑、學士、碩士或博士課程，或者完成最少一年嘅研究生文憑課程。
值得留意嘅係申請人係就讀相關課程時，要有一半嘅授課時間身處加拿大境內。
2) 曾在加拿大工作: 申請人要係過去三年係加拿大做過全職工作超過一年，或以兼職模式獲得相等於一年嘅工作經驗，即工作時數要超過1,560小時，而全職學生嘅兼職工作同自僱人士係唔計算係計劃當中。
💡值得留意係申請人除咗係加拿大就業過，更要係過去五年內係加拿大或其他地區接受過高等教育並獲得資格。
申請人留意事項
申請人必須本身係加國嘅臨時居民並且要身處加拿大，並且要符合當地語言水平、學歷要求、工作經驗等資格，更要持有香港特區護照或BNO護照。新措施會由2021年6月1號生效，去到2026年8月31號為止。
想知道更多關於移民加拿大方法，可到WavingCat 移民加拿大頁面查看！
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
