8月係搵工旺季，2023年8月政府工都有好多空缺，雖然最多人等緊嘅ACO（助理文書主任）仲未有聲氣，但亦有非常多唔需要大學學位都做得嘅政府工等你去申請，而且人工唔差！今個月嘅低學歷要求政府工，起薪最高達HK$36,215，超筍！
Table of Contents
*公務員* 消防處 消防隊目(控制) DSE 5科2級 起薪HK$36,215
消防員要學位先考得，但消防署仲有其他職位無需學位，好似消防隊目(控制)，DSE就考得，仲唔需要考體能，人工仲好理想，起薪HK$36,215！消防隊目(控制)主要負責以中英文處理控制室同埋調派工作，要好打得（字），聞說筆試非常困難，有意投考人士要加油。
詳情：https://csboa1.csb.gov.hk/csboa/jve/JVE_003_text.action?jobid=47137&languageType=1
*公務員* 香港警務處 警員 DSE 5科2級 起薪HK$28,095
紀律部隊中警員入職起薪算非常高，達HK$28,095。除最基本DSE要求外，須筆試及體能測試等，另外學歷方面亦有彈性處理，未畢業都可以先錄用再讀埋所需學歷。
詳情：https://csboa1.csb.gov.hk/csboa/jve/JVE_003_text.action?jobid=47141&languageType=1
*公務員* 香港海關 關員 DSE 5科2級 起薪HK$24,725
海關在要求方面同警員相約，一樣係DSE 5科2級同埋考筆試、體能測試等。起薪稍低，只得HK$24,725，比警員低HK$2,000以上。留意返海關關員或有需要在前線執勤，需要佩槍，有一定危險性。
詳情：https://csboa1.csb.gov.hk/csboa/jve/JVE_003_text.action?jobid=47117&languageType=1
*公務員* 入境事務處 入境事務助理員 DSE 5科2級 起薪HK$24,380
紀律部隊中，入境事務助理員危險性較低（但並非全無危險），起薪也較低，只有HK$24,380。入境事務助理員負責執行入境、人事登記、生死及婚姻登記等職務，需要負責搜查、看管、護送、巡邏、接待、駕駛等工作，唔係只等你落機吸個印咁簡單。
詳情：https://csboa1.csb.gov.hk/csboa/jve/JVE_003_text.action?jobid=47146&languageType=1
*公務員* 懲教署 二級懲教助理 中五畢業 起薪HK$23,365
二級懲教助理主要職責係監督在囚人士、教導所／更生中心嘅青少年同埋戒毒所內嘅戒毒者，一睇就知並唔輕鬆，一樣要考體能，起薪同警員相差超過HK$4,500。不過如果成續好啲，再考埋護士證書，起薪都可以去到HK$25,800，咁就好睇好多。
詳情：https://csboa1.csb.gov.hk/csboa/jve/JVE_003_text.action?jobid=47118&languageType=1
康文署 合約救生員 小學學歷 月薪可達HK$21,840
合約救生員當然就唔太睇學歷，要嘅係拯溺總會頒發嘅有效泳池救生章、沙灘救生章或以上級別證書，仲有急救證書，同埋視力要正常。康文署有幾個唔同嘅合約救生員職位，有全年同堆季節性救生員，又有分泳池、泳灘、水上活動中心，人工會有啲分別。
詳情：https://csboa1.csb.gov.hk/csboa/jve/JVE_003_text.action?jobid=47133&languageType=1
郵政署 司機 中三學歷 月薪HK$21,311
郵政署司機學歷要求甚低，只需中三學歷，但就要有私家車(代號1)、輕型貨車(代號2)、私家小型巴士(代號4)及中型貨車(代號18)嘅執照，同埋5年或以上有關車輛駕駛經驗，適合想轉工人士，人工HK$21,311，不過不失。
詳情：https://csboa1.csb.gov.hk/csboa/jve/JVE_003_text.action?jobid=47169&languageType=1
*公務員* 機電工程署 技工(汽車) 有汽車工程課程或工作經驗 起薪HK$18,965
機電工程署請技工(汽車)，主要負責保養、維修及大修各類汽車及電單車，學歷就最低小六都得，但就需要有汽車工程嘅工作經驗，或者讀完相關訓練課程先得，人工HK$18,965起，留意返呢份係公務員嚟架！
詳情：https://csboa1.csb.gov.hk/csboa/jve/JVE_003_text.action?jobid=47113&languageType=1
大學教育資助委員會秘書處 合約文員 DSE 5科2級 月薪HK$16,695
政府成日都請好多合約文員，今次輪到大學教育資助委員會秘書處，有DSE學歷即可申請，月薪HK$16,695，人工好過同月嘅另一份合約文員。
詳情：https://csboa1.csb.gov.hk/csboa/jve/JVE_003_text.action?jobid=47124&languageType=1
*公務員* 法律援助署 二級工人 無學歷要求 起薪HK$14,730
法律援助署嘅二級工人，無需學歷，識廣東話同少少英文溝通到就可以申請，不過一樣都要考基本法同國安法，職責都係睇上司安排，有可能需要輪更或戶外工作，有機會有啲體力勞動。唔好睇少二級工人人工低，佢人工係point 0最大好處係排公屋特別快，呢份好工嚟。
詳情：https://csboa1.csb.gov.hk/csboa/jve/JVE_003_text.action?jobid=47112&languageType=1
土地註冊處 合約文員(輪班當值) 中五畢業 月薪HK$14,135
都係一般政府非公務員嘅合約文員，呢份係土地註冊處，職責係Print嘢、運文件等，不過就需要輪班，沙田區返工，月薪HK$14,135。
詳情：https://csboa1.csb.gov.hk/csboa/jve/JVE_003_text.action?jobid=47152&languageType=1
效率促進辦公室 客戶服務員 DSE 5科2級 月薪HK$13,470
呢個位即是1823聽電話或者覆email嘅客戶服務員，要求唔高，正常返一至五0845至1800，但有機會要輪班，返油麻地或長沙灣。1823長期響個不停，呢個位唔使諗住hea做，人工亦麻麻，勝在穩定。
詳情：https://csboa1.csb.gov.hk/csboa/jve/JVE_003_text.action?jobid=47123&languageType=1
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
