想搵工／轉工，但學歷又唔好，點算好？其實唔使太灰心，呢個世界總有適合你嘅好工，好似政府工都有好多係唔需要大學學位都做得，而且人工唔差！睇返今個月（2023年6月）政府工招聘，低學歷工作中，最高月薪可達$30,990架！
Table of Contents
醫療輔助隊 行動及訓練支援經理 DSE 5科2級 月薪HK$30,990
如果單計起薪點，醫療輔助隊行動及訓練支援經理比紀律部隊入職更高，達HK$30,990，但可惜唔係公務員。而且要求一啲都唔低，雖然學歷只要求最基本，但就需要急救同護理要有豐富經驗，亦要識一啲教學工具。負責教急救、協助調動人手執行任務同埋處理行政工作等，需不定時工作，一年12日Annual，約滿15%獎金。
詳情：https://csboa2.csb.gov.hk/csboa/jve/JVE_003_text.action?jobid=46956&languageType=1
*公務員* 香港警務處 警員 DSE 5科2級 起薪HK$26,845
紀律部隊中警員入職起薪算最高，達HK$26,845。除最基本DSE要求外，須筆試及體能測試等，另外學歷方面亦有彈性處理，未畢業都可以先錄用再讀埋所需學歷。
詳情：https://csboa2.csb.gov.hk/csboa/jve/JVE_003_text.action?jobid=45747&languageType=1
*公務員* 香港海關 關員 DSE 5科2級 起薪HK$23,625
海關在要求方面同警員相約，一樣係DSE 5科2級同埋考筆試、體能測試等。起薪稍低，只得HK$23,625，比警員低HK$2,000以上。留意返海關關員或有需要在前線執勤，需要佩槍，有一定危險性。
詳情：https://csboa2.csb.gov.hk/csboa/jve/JVE_003_text.action?jobid=46632&languageType=1
*公務員* 入境事務處 入境事務助理員 DSE 5科2級 起薪HK$23,295
紀律部隊中，入境事務助理員危險性較低（但並非全無危險），起薪也較低，只有HK$23,295。入境事務助理員負責執行入境、人事登記、生死及婚姻登記等職務，需要負責搜查、看管、護送、巡邏、接待、駕駛等工作，唔係只等你落機吸個印咁簡單。
詳情：https://csboa2.csb.gov.hk/csboa/jve/JVE_003_text.action?jobid=46964&languageType=1
*公務員* 懲教署 二級懲教助理 中五畢業 起薪HK$22,325
二級懲教助理主要職責係監督在囚人士、教導所／更生中心嘅青少年同埋戒毒所內嘅戒毒者，一睇就知並唔輕鬆，一樣要考體能，起薪同警員相差超過HK$4,500。不過如果成續好啲，再考埋護士證書，起薪都可以去到HK$24,650，咁就好睇好多。
詳情：https://csboa2.csb.gov.hk/csboa/jve/JVE_003_text.action?jobid=46954&languageType=1
康文署 合約救生員 小學學歷 月薪可達HK$21,840
合約救生員當然就唔太睇學歷，要嘅係拯溺總會頒發嘅有效泳池救生章、沙灘救生章或以上級別證書，仲有急救證書，同埋視力要正常。康文署有幾個唔同嘅合約救生員職位，有全年同堆季節性救生員，又有分泳池、泳灘、水上活動中心，人工會有啲分別。
詳情：https://csboa2.csb.gov.hk/csboa/jve/JVE_003_text.action?jobid=46306&languageType=1
*公務員* 水務署 實驗室服務員 中三學歷 起薪HK$18,120
水務署實驗室服務員職責為幫忙做抽樣、量度水流、處理同運送儀器、清潔實驗室等工作，學歷要求低，中三就得，而起薪算高，達HK$18,120，仲係公務員職位！不過就需要有實驗室同埋實地工作嘅經驗，亦有機會要去偏遠地區工作、戶外工作，同埋八號風球甚至以上都有機會需要執勤。
詳情：https://csboa2.csb.gov.hk/csboa/jve/JVE_003_text.action?jobid=46927&languageType=1
郵政署 客戶服務員 DSE 5科2級 月薪HK$15,083
呢個係一個相當忙碌嘅職位，基本上所有政府CS位都要狂聽電話同狂畀人鬧，但要求唔高，月薪okay，返工時間正常，有得休星期日，受得嘅可能會覺得好做都唔定。
詳情：https://csboa2.csb.gov.hk/csboa/jve/JVE_003_text.action?jobid=46912&languageType=1
郵政署 工人 無學歷要求 月薪可達HK$15,073
無學歷要求嘅工作中，呢份郵政署工人都算係咁，一般體力勞動工作，一星期返5日，月薪可以高達HK$15,073，算係咁。同埋唔一定要月薪，可以返時薪或者日薪都得。
詳情：https://csboa2.csb.gov.hk/csboa/jve/JVE_003_text.action?jobid=46911&languageType=1
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
