Table of Contents
無須大學！今個月政府新開勁多合約筍工 最高人工達$21,875！
雖則非公務員工係比較唔吸引，但間中都有低學歷要求嘅筍嘢，尤其今個月勁多新openings，例如統計處就請緊訪問員，月薪$20,165就非常吸引，工作本身並不複雜，又有得外勤唔使成日留在office。以下仲有其他本月合約筍工，全部都唔需要大學學歷，不過大部分都唔係長期招聘，所以記得留意申請截止日期，有心報就盡早申請喇！
| 政府部門 | 職位 | 月薪（HK$） | 申請截止日期 |
| 教育局 | 臨時二級實驗室技術員 | $21,875 | 全年招聘 |
| 康樂及文化事務署 | 合約救生員 | $21,455 | 5月16日 |
| 效率促進辦公室 | 客戶服務主任(通宵班) | $21,360 | 5月6日 |
| 效率促進辦公室 | 助理客戶服務主管 (營運) | $20,390 | 5月6日 |
| 政府統計處 | 訪問員 | $20,165 | 5月9日 |
| 政務司司長辦公室 | 合約傭工 | $18,965 | 5月9日 |
| 民政事務總署 | 活動統籌員 (北區) | $17,670 | 5月8日 |
| 財政司司長辦公室 | 辦公室助理 | $14,735 | 5月8日 |
| 水務署 | 見習二級技術員(水務) | $14,660 | 5月6日 |
| 民政事務總署 | 活動推廣助理 | $13,740 | 5月14日 |
政府暑期實習生 5月招聘職位
4月份開始，政府會出招聘以招募大學生加入唔同政府部門做暑期實習生，實習生聘用期為2024年7月至8月，為期約2個月，每周工作44小時，月薪劃一為HK$11,200。以下係5月份政府暑期實習生招聘列表，點擊職位即可以睇到相關詳情。留意申請截止日期之外，亦要小心全部暑期實習生職位都唔可以網上申請，本地生要經院校嘅學生事務處或就業輔導中心遞交申請表格。海外生就要睇返職位詳情下載申請表，並以郵遞方式申請。
| 政府部門 | 職位 | 申請截止日期 |
| 屋宇署 | 暑期見習員（屋宇測量） | 5月3日 |
| 屋宇署 | 暑期見習員（結構工程） | 5月3日 |
| 規劃署 | 暑期實習生 | 5月3日 |
| 差餉物業估價署 | 暑期實習生 | 5月3日 |
| 入境事務處 | 暑期實習生 | 5月6日 |
| 水務署 | 暑期實習生 | 5月6日 |
| 地政總署 | 專上學生暑期實習計劃及暑期實務訓練計劃 | 5月7日 |
| 土木工程拓展署 | 專上學生暑期實習計劃與職業訓練計劃 | 5月8日 |
| 教育局 | 暑期實習生(教育心理服務 – 1 [教育心理學]) | 5月8日 |
| 教育局 | 暑期實習生(教育心理服務 – 2 [多媒體設計]) | 5月8日 |
| 法律援助署 | 暑期實習生(法律) | 5月8日 |
| 機電工程署 | 專上學生暑期實習計劃 | 5月9日 |
| 康樂及文化事務署 | 暑期實習生(文物修復辦事處) | 5月9日 |
| 食物環境衞生署 | 暑期實習生 | 5月10日 |
| 路政署 | 暑期實習生 | 5月10日 |
| 康樂及文化事務署 | 暑期實習生 (香港公共圖書館) | 5月10日 |
| 香港警務處 | 暑期實習生 | 5月16日 |
*公務員* 消防處 消防隊長（行動） DSE 5科3級 中英文2級 起薪HK$46,925 *全年招聘*
消防處嘅消防隊長（行動）在學歷方面有階段性要求，唔同學歷入職起薪點唔同，最高要求係學士學位，起薪HK$52,070，最低要求為DSE 5科3級或以上成續，中英文2級或以上，起薪HK$46,925，另外亦有體能、視力測驗。消防隊長（行動）主要負責主管消防局及緊急救援車輛、為消防員提供訓練、指揮及領導消防員執行緊急及防火職務，以及參與行政工作，例如人事管理及策劃等職務。
詳情：https://csboa1.csb.gov.hk/csboa/jve/JVE_003_text.action?jobid=47714&languageType=1
*公務員* 香港警務處 警員 DSE 5科2級 起薪HK$28,095 *全年招聘*
紀律部隊中警員入職起薪算非常高，達HK$28,095。除最基本DSE要求外，須筆試及體能測試等，另外學歷方面亦有彈性處理，未畢業都可以先錄用再讀埋所需學歷。
詳情：https://csboa1.csb.gov.hk/csboa/jve/JVE_003_text.action?jobid=47141&languageType=1
*公務員* 香港海關 助理貿易管制主任 DSE 5科2級 起薪HK$25,815
海關嘅助理貿易管制主任最低學歷要求係DSE 5科2級，但就需要3年從事商業、工業、會計或政府工作嘅相關工作經驗。主要負責執行與保障消費者權益、產地來源證、就禁運物品申領的進出口許可證，以及進出口報關事宜等相關的法例、巡查處所、檢查進口或出口貨物、查核進出口報關單等等。起薪HK$25,815仲高過關員，留意申請截止日期為5月5日，有興趣請盡早報名。
詳情：https://csboa2.csb.gov.hk/csboa/jve/JVE_003_text.action?jobid=48005&languageType=1
*公務員* 香港海關 關員 DSE 5科2級 起薪HK$24,725 *全年招聘*
海關在要求方面同警員相約，一樣係DSE 5科2級同埋考筆試、體能測試等。起薪稍低，只得HK$24,725，比警員低HK$2,000以上。留意返海關關員或有需要在前線執勤，需要佩槍，有一定危險性。
詳情：https://csboa1.csb.gov.hk/csboa/jve/JVE_003_text.action?jobid=47843&languageType=1
*公務員* 入境事務處 入境事務助理員 DSE 5科2級 起薪HK$24,380 *全年招聘*
紀律部隊中，入境事務助理員危險性較低（但並非全無危險），起薪也較低，只有HK$24,380。入境事務助理員負責執行入境、人事登記、生死及婚姻登記等職務，需要負責搜查、看管、護送、巡邏、接待、駕駛等工作，唔係只等你落機吸個印咁簡單。
詳情：https://csboa2.csb.gov.hk/csboa/jve/JVE_003_text.action?jobid=48075&languageType=1
*公務員* 懲教署 二級懲教助理 中五畢業 起薪HK$23,365 *全年招聘*
二級懲教助理主要職責係監督在囚人士、教導所／更生中心嘅青少年同埋戒毒所內嘅戒毒者，一睇就知並唔輕鬆，一樣要考體能，起薪同警員相差超過HK$4,500。不過如果成續好啲，再考埋護士證書，起薪都可以去到HK$25,800，咁就好睇好多。
詳情：https://csboa2.csb.gov.hk/csboa/jve/JVE_003_text.action?jobid=48043&languageType=1
*公務員* 漁護署 高級技工 小學學歷 起薪HK$22,895
漁護署嘅高級技工主要負責郊野公園工作，包括監督建造郊野公園設施、保養設施、維修、安裝、進行焊接同磚石等工作、操作工具及器材、栽種植物、植被管理等等。學歷要求只係小六或以下，但就要6年相關工作經驗，起薪HK$22,895相當吸引，留意申請截止日期為5月17日，有興趣請盡早報名。
詳情：https://csboa2.csb.gov.hk/csboa/jve/JVE_003_text.action?jobid=48036&languageType=1
*公務員* 衞生署 牙齒衞生員 副學士或高級文憑 起薪HK$18,965 *全年招聘*
呢個職位學歷要求唔算低，僅僅無需大學學位，但就需要係已向香港牙醫管理委員會註冊為執業牙齒衞生員，有經驗的話仲有機會跳point，不過現職政府牙齒衞生員就唔可以申請喇。牙齒衞生員主要職責係清潔牙齒、去除牙石和牙漬、使用預防牙患藥劑、拍攝口腔內外X光片等。
詳情：https://csboa1.csb.gov.hk/csboa/jve/JVE_003_text.action?jobid=45773&languageType=1
*公務員* 二級私人秘書 DSE 5科2級 起薪17,770 *全年招聘*
同ACO一樣，二級私人秘書都已變成全年招聘，不過二級私人秘書同CA、ACO職責上有分別，係負責做秘書工作，要做埋日程管理、辦公室支援等。二級私人秘書起薪只比ACO高少少，但就要JRE合格，難度唔低，所以唔算太熱門，喜歡秘書工作，又對自己有信心嘅，而家可以隨時申請。
詳情：https://csboa2.csb.gov.hk/csboa/jve/JVE_003_text.action?jobid=48042&languageType=1
*公務員* 助理文書主任（ACO） DSE 5科2級 起薪16,695 *全年招聘*
早前政府update了最新招聘，其中最爆炸性係以往最多人關心嘅低學歷空缺 助理文書主任ACO已經轉為全年招聘！可見政府真係幾唔夠人用，有心考嘅朋友可以放膽嘗試。ACO主要負責政府部門嘅文書工作，都多嘢做架，亦要考技能測驗（打字同Excel），面試成功之後先會知派去邊個部門。
詳情：https://csboa2.csb.gov.hk/csboa/jve/JVE_003_text.action?jobid=48041&languageType=1
*公務員* 文書助理（CA） 中四學歷 起薪14,735 *全年招聘*
同ACO一樣，CA都已變成全年招聘，一樣都係負責政府部門嘅文書工作，亦要考技能測驗（打字同Excel），面試成功之後先會知派去邊個部門，比ACO低一級。
詳情：https://csboa2.csb.gov.hk/csboa/jve/JVE_003_text.action?jobid=48040&languageType=1