2024年4月份，如果想搵政府工，特別係公務員位置，暫時有16個學歷要求唔高嘅全新公務員空缺正在招聘中，而且人工勁高！今個月嘅低學歷要求政府工，起薪最高達HK$46,925，超筍！另外，政府今個月亦開始招聘唔同部門嘅暑期實習生，本文亦會全部列出。
Table of Contents
政府暑期實習生 4月招聘職位
4月份開始，政府會出招聘以招募大學生加入唔同政府部門做暑期實習生，實習生聘用期為2024年7月至8月，為期約2個月，每周工作44小時，月薪劃一為HK$11,200。以下係4月份政府暑期實習生招聘列表，點擊職位即可以睇到相關詳情。留意申請截止日期之外，亦要小心全部暑期實習生職位都唔可以網上申請，本地生要經院校嘅學生事務處或就業輔導中心遞交申請表格。海外生就要睇返職位詳情下載申請表，並以郵遞方式申請。
| 政府部門 | 職位 | 申請截止日期 |
| 民航處 | 暑期實習生 | 2024年4月2日 |
| 醫務衞生局 | 暑期實習生 | 2024年4月5日 |
| 醫務衞生局 | 暑期實習生(基層醫療健康辦事處) | 2024年4月5日 |
| 公務員事務局 | 暑期實習生(專上學生暑期實習計劃) | 2024年4月10日 |
| 發展局 | 暑期實習生 (綠化及園境) | 2024年4月10日 |
| 發展局 | 暑期實習生 (樹木管理) | 2024年4月10日 |
| 在職家庭及學生資助事務處 | 暑期實習生(專上學生暑期實習計劃) | 2024年4月11日 |
| 政府統計處 | 暑期實習生 | 2024年4月17日 |
引進辦招3職位 約滿最高有$1,157萬落袋！上個月未請到人，今個月繼續請！
上個月屬於財政司司長辦公室下嘅引進重點企業辦公室（又稱引進辦），招聘3個職位，包括引進辦主任（月薪$279,600）、引進辦副主任（月薪$219,850）同埋引進辦執行總裁（月薪$189,150），3年contract仲有約滿酬金15%，即是計返如果做足3年，就分別有$1,157萬、$910萬、$783萬落袋（未計MPF）！不過咁筍嘅工似乎仲未搵到人，今個月又再次重新招聘，到4月12日先截止申請。3個職位學歷要求係學士或以上，但最主要當然都係工作經驗，分別需要最低15年／10年／8年高層行政及管理職位經驗。如你夠料，不妨一試。
引進辦主任詳情：https://csboa1.csb.gov.hk/csboa/jve/JVE_003_text.action?jobid=47760&languageType=1
引進辦副主任詳情：https://csboa1.csb.gov.hk/csboa/jve/JVE_003_text.action?jobid=47761&languageType=1
引進辦執行總裁詳情：https://csboa1.csb.gov.hk/csboa/jve/JVE_003_text.action?jobid=47762&languageType=1
*公務員* 消防處 消防隊長（行動） DSE 5科3級 中英文2級 起薪HK$46,925 *全年招聘*
消防處嘅消防隊長（行動）在學歷方面有階段性要求，唔同學歷入職起薪點唔同，最高要求係學士學位，起薪HK$52,070，最低要求為DSE 5科3級或以上成續，中英文2級或以上，起薪HK$46,925，另外亦有體能、視力測驗。消防隊長（行動）主要負責主管消防局及緊急救援車輛、為消防員提供訓練、指揮及領導消防員執行緊急及防火職務，以及參與行政工作，例如人事管理及策劃等職務。
詳情：https://csboa1.csb.gov.hk/csboa/jve/JVE_003_text.action?jobid=47714&languageType=1
*公務員* 香港警務處 警員 DSE 5科2級 起薪HK$28,095 *全年招聘*
紀律部隊中警員入職起薪算非常高，達HK$28,095。除最基本DSE要求外，須筆試及體能測試等，另外學歷方面亦有彈性處理，未畢業都可以先錄用再讀埋所需學歷。
詳情：https://csboa1.csb.gov.hk/csboa/jve/JVE_003_text.action?jobid=47141&languageType=1
*公務員* 香港海關 關員 DSE 5科2級 起薪HK$24,725 *全年招聘*
海關在要求方面同警員相約，一樣係DSE 5科2級同埋考筆試、體能測試等。起薪稍低，只得HK$24,725，比警員低HK$2,000以上。留意返海關關員或有需要在前線執勤，需要佩槍，有一定危險性。
詳情：https://csboa1.csb.gov.hk/csboa/jve/JVE_003_text.action?jobid=47843&languageType=1
*公務員* 消防處 消防員（行動／海務） DSE 5科2級 起薪HK$24,725
消防署仲有其他職位無需學位，好似消防員（行動／海務），DSE就考得，但同樣需要考體能，人工ok，起薪HK$24,725！消防員（行動／海務）主要負責執行行動／海上職務，例如滅火同救援工作，以及負責火警調查 同埋防火職務。留意申請截止日期為4月4日，有興趣請盡早報名。
詳情：https://csboa1.csb.gov.hk/csboa/jve/JVE_003_text.action?jobid=47882&languageType=1
*公務員* 消防處 消防員（救護員） DSE 5科2級 起薪HK$24,725
消防署仲有其他職位無需學位，好似消防員（救護員），DSE就考得，但同樣需要考體能，人工ok，起薪HK$24,725！消防員（救護員）主要負責提供緊急救護服務、執行院前護理同埋救護相關職務，以及駕駛救護車、汽車同客貨車。留意申請截止日期為4月4日，有興趣請盡早報名。
詳情：https://csboa1.csb.gov.hk/csboa/jve/JVE_003_text.action?jobid=47882&languageType=1
*公務員* 入境事務處 入境事務助理員 DSE 5科2級 起薪HK$24,380 *全年招聘*
紀律部隊中，入境事務助理員危險性較低（但並非全無危險），起薪也較低，只有HK$24,380。入境事務助理員負責執行入境、人事登記、生死及婚姻登記等職務，需要負責搜查、看管、護送、巡邏、接待、駕駛等工作，唔係只等你落機吸個印咁簡單。
詳情：https://csboa1.csb.gov.hk/csboa/jve/JVE_003_text.action?jobid=47930&languageType=1
*公務員* 香港警務處 三級槍械員 DSE 5科2級及證書 起薪HK$24,380
三級槍械員主要職責係檢查、保養、修理所有槍械，為槍械進行翻修和抗銹工作，同埋在警署及警崗執行槍械檢查職務。此職位同警員嘅要求稍有不同，學歷方面需要有機械工程證書或同等學歷，但係就無須考體能，不過待遇就同警員差好遠喇。留意申請截止日期為4月9日，有興趣請盡早報名。
詳情：https://csboa1.csb.gov.hk/csboa/jve/JVE_003_text.action?jobid=47854&languageType=1
*公務員* 水務署 用戶服務督察 中五及證書 起薪HK$24,380
水務署用戶服務督察主要職責係初步調查供水申請、檢查喉管裝置、調查有問題嘅鹹水及淡水供應，同埋採取有關行動等。學歷要求為中五程度及建築學或水務工程證書或相同學歷。起薪唔錯，有HK$24,380，唔使考體能都仲高過二級懲教助理。留意申請截止日期為4月2日，有興趣請盡早報名。
詳情：https://csboa1.csb.gov.hk/csboa/jve/JVE_003_text.action?jobid=47857&languageType=1
*公務員* 水務署 二級監工(機械) 中三及證書 起薪HK$24,380
水務署二級監工(機械)主要職責係督導初級員工及承建商進行機械設備同裝置嘅安裝、操作、維修、保養及監控工作，管理物料及存貨，同埋執行工藝工作。學歷要求為中三程度及機械工程學證書或相同學歷。起薪HK$24,380。留意申請截止日期為4月2日，有興趣請盡早報名。
詳情：https://csboa1.csb.gov.hk/csboa/jve/JVE_003_text.action?jobid=47862&languageType=1
*公務員* 懲教署 二級懲教助理 中五畢業 起薪HK$23,365 *全年招聘*
二級懲教助理主要職責係監督在囚人士、教導所／更生中心嘅青少年同埋戒毒所內嘅戒毒者，一睇就知並唔輕鬆，一樣要考體能，起薪同警員相差超過HK$4,500。不過如果成續好啲，再考埋護士證書，起薪都可以去到HK$25,800，咁就好睇好多。
詳情：https://csboa1.csb.gov.hk/csboa/jve/JVE_003_text.action?jobid=47908&languageType=1
*公務員* 衞生署 牙齒衞生員 副學士或高級文憑 起薪HK$18,965 *全年招聘*
呢個職位學歷要求唔算低，僅僅無需大學學位，但就需要係已向香港牙醫管理委員會註冊為執業牙齒衞生員，有經驗的話仲有機會跳point，不過現職政府牙齒衞生員就唔可以申請喇。牙齒衞生員主要職責係清潔牙齒、去除牙石和牙漬、使用預防牙患藥劑、拍攝口腔內外X光片等。
詳情：https://csboa1.csb.gov.hk/csboa/jve/JVE_003_text.action?jobid=45773&languageType=1
*公務員* 海事處 技工（空氣調節） 小學學歷 起薪HK$18,965
海事處嘅技工（空氣調節）主要負責修理及保養政府船隻上各類空調同埋冷凍設備，有機會需要執行緊急職務或輪班工作，亦可能要在偏遠地區或惡劣環境下進行戶外工作。學歷小學就得，但就需要最少4年空調工作經驗。留意申請截止日期為4月5日，有興趣請盡早報名。
詳情：https://csboa1.csb.gov.hk/csboa/jve/JVE_003_text.action?jobid=47890&languageType=1
*公務員* 二級私人秘書 DSE 5科2級 起薪17,770 *全年招聘*
同ACO一樣，二級私人秘書都已變成全年招聘，不過二級私人秘書同CA、ACO職責上有分別，係負責做秘書工作，要做埋日程管理、辦公室支援等。二級私人秘書起薪只比ACO高少少，但就要JRE合格，難度唔低，所以唔算太熱門，喜歡秘書工作，又對自己有信心嘅，而家可以隨時申請。
詳情：https://csboa1.csb.gov.hk/csboa/jve/JVE_003_text.action?jobid=47658&languageType=1
*公務員* 助理文書主任（ACO） DSE 5科2級 起薪16,695 *全年招聘*
早前政府update了最新招聘，其中最爆炸性係以往最多人關心嘅低學歷空缺 助理文書主任ACO已經轉為全年招聘！可見政府真係幾唔夠人用，有心考嘅朋友可以放膽嘗試。ACO主要負責政府部門嘅文書工作，都多嘢做架，亦要考技能測驗（打字同Excel），面試成功之後先會知派去邊個部門。
詳情：https://csboa1.csb.gov.hk/csboa/jve/JVE_003_text.action?jobid=47656&languageType=1
*公務員* 物流服務署 二級物料供應員 DSE 5科2級證書 起薪16,695 *全年招聘*
此職位學歷要求不算高，DSE 5科2級之外，需理工、浸會或教院主修採購及物料供應相關學科的證書或同等學歷。二級物料供應員主要獲調派管理小型嘅部門物料倉庫或協助上司執行一般倉庫管理及採購工作，或者負責就某一方面嘅供應鏈工作及其他有關職務提供支援，同時需要督導屬下員工執行職務。留意申請截止日期為4月5日，有興趣請盡早報名。
詳情：https://csboa1.csb.gov.hk/csboa/jve/JVE_003_text.action?jobid=47892&languageType=1
*公務員* 文書助理（CA） 中四學歷 起薪14,735 *全年招聘*
同ACO一樣，CA都已變成全年招聘，一樣都係負責政府部門嘅文書工作，亦要考技能測驗（打字同Excel），面試成功之後先會知派去邊個部門，比ACO低一級。
詳情：https://csboa1.csb.gov.hk/csboa/jve/JVE_003_text.action?jobid=47657&languageType=1
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓