來到新一年，2024年1月份，如果想搵政府工，特別係公務員位置，絕對係好時機，有13個學歷要求唔高嘅全新公務員空缺正在招聘中，而且人工勁高！今個月嘅低學歷要求政府工，起薪最高達HK$46,925，超筍！而最受注目嘅ACO（助理文書主任）早前唔單止開放申請，仲變成全年招聘！另外，警隊現正招聘無須考體能嘅助理專門人員，本文都會收錄相關詳情！
Table of Contents
*公務員* 消防處 消防隊長（行動） DSE 5科3級 中英文2級 起薪HK$46,925 *全年招聘*
消防處嘅消防隊長（行動）在學歷方面有階段性要求，唔同學歷入職起薪點唔同，最高要求係學士學位，起薪HK$52,070，最低要求為DSE 5科3級或以上成續，中英文2級或以上，起薪HK$46,925，另外亦有體能、視力測驗。消防隊長（行動）主要負責主管消防局及緊急救援車輛、為消防員提供訓練、指揮及領導消防員執行緊急及防火職務，以及參與行政工作，例如人事管理及策劃等職務。
詳情：https://csboa1.csb.gov.hk/csboa/jve/JVE_003_text.action?jobid=47542&languageType=1
消防隊長 12月起最新體能及視力要求
消防處宣布，2023年12月1日起實施最新嘅體能及視力要求，消防隊長或消防員改變如下：
| 2023年12月1日起要求 | 舊要求 | |
| 體能要求 | ||
| 耐力折返跑 | 50次20米 | 50次20米 |
| 引體上升 | 90秒內完成1次， 或改為傾斜引體上升， 90秒內完成3次 | 60秒內完成3次 |
| 原地跳高 | 43厘米 | 45厘米 |
| 雙槓雙臂伸屈 | 90秒內完成5次 | 60秒內完成9次 |
| 屈膝仰臥起坐 | 90秒內完成28次 | 60秒內完成35次 |
| 掌上壓 | 90秒內完成28次 | 60秒內完成32次 |
| 坐位體前屈 | 21厘米 | 23厘米 |
| 俯後撐 | 90秒內完成20次 | 60秒內完成25次 |
| 視力要求 | ||
| 佩戴眼鏡 | 可以 | 不可以 |
| 視力測驗 | 不佩戴眼鏡讀出第4行； 佩戴眼鏡讀出第6行 | 不佩戴眼鏡讀出第5或第6行 |
*公務員* 香港警務處 助理專門人員 DSE 5科2級 起薪HK$28,095 無需考體能！
助理專門人員職位之前都請過，以前需要大學工程學位，但今次無須大學學位，起薪點微減至與警員起薪點一樣，不過就無需考體能！助理專門人員主要職責為：1. 參與先進科技的研究；2. 為技術及行動應用設計電腦硬件和軟件；3. 製定樣本以作測試及評估；以及4. 操作及維修用以支援執法行動的器材。
此職位在政府招聘網頁有詳細註解，大意係助理專門人員屬於警員(專門人員)職級，起薪HK$28,095，DSE 5科2級之外，未畢業都可以先錄用再讀埋所需學歷。留意此職位同警員唔同，並非全年招聘，截止日期為1月14日。
詳情：https://csboa1.csb.gov.hk/csboa/jve/JVE_003_text.action?jobid=47516&languageType=1
*公務員* 香港警務處 警員 DSE 5科2級 起薪HK$28,095 *全年招聘*
紀律部隊中警員入職起薪算非常高，達HK$28,095。除最基本DSE要求外，須筆試及體能測試等，另外學歷方面亦有彈性處理，未畢業都可以先錄用再讀埋所需學歷。
詳情：https://csboa1.csb.gov.hk/csboa/jve/JVE_003_text.action?jobid=47141&languageType=1
*公務員* 香港海關 關員 DSE 5科2級 起薪HK$24,725 *全年招聘*
海關在要求方面同警員相約，一樣係DSE 5科2級同埋考筆試、體能測試等。起薪稍低，只得HK$24,725，比警員低HK$2,000以上。留意返海關關員或有需要在前線執勤，需要佩槍，有一定危險性。
詳情：https://csboa1.csb.gov.hk/csboa/jve/JVE_003_text.action?jobid=47583&languageType=1
*公務員* 入境事務處 入境事務助理員 DSE 5科2級 起薪HK$24,380 *全年招聘*
紀律部隊中，入境事務助理員危險性較低（但並非全無危險），起薪也較低，只有HK$24,380。入境事務助理員負責執行入境、人事登記、生死及婚姻登記等職務，需要負責搜查、看管、護送、巡邏、接待、駕駛等工作，唔係只等你落機吸個印咁簡單。
詳情：https://csboa1.csb.gov.hk/csboa/jve/JVE_003_text.action?jobid=47617&languageType=1
*公務員* 懲教署 二級懲教助理 中五畢業 起薪HK$23,365 *全年招聘*
二級懲教助理主要職責係監督在囚人士、教導所／更生中心嘅青少年同埋戒毒所內嘅戒毒者，一睇就知並唔輕鬆，一樣要考體能，起薪同警員相差超過HK$4,500。不過如果成續好啲，再考埋護士證書，起薪都可以去到HK$25,800，咁就好睇好多。
詳情：https://csboa1.csb.gov.hk/csboa/jve/JVE_003_text.action?jobid=47594&languageType=1
*公務員* 機電工程署 高級技工（機械） 小學學歷 起薪HK$22,895
機電工程署嘅高級技工（機械）主要負責監督和指導初級人員去操作、維修機械裝置及設備，同時負責做較高要求嘅維修工作。有機會需要緊急職務、隨時候命工作，以及於偏遠地區或惡劣環境下工作。必須要機械工程技工證書，或2年訓練，或6年機械工程經驗。此職位截止申請日期為1月11日。
詳情：https://csboa1.csb.gov.hk/csboa/jve/JVE_003_text.action?jobid=47611&languageType=1
*公務員* 香港警務處 炊事員（中廚） 無學歷要求 起薪HK$18,965
香港警務處 炊事員（中廚）主要職責正如其名，係為警務人員準備中式膳食，無須學歷，但需有中廚工作經驗及須通過廚藝測試，有機會被派去偏遠地區如：沙嶺、沙頭角、打鼓嶺、落馬洲及大嶼山等地區工作。此職位截止申請日期為1月12日。
詳情：https://csboa1.csb.gov.hk/csboa/jve/JVE_003_text.action?jobid=47603&languageType=1
*公務員* 衞生署 牙齒衞生員 副學士或高級文憑 起薪HK$18,965 *全年招聘*
呢個職位學歷要求唔算低，僅僅無需大學學位，但就需要係已向香港牙醫管理委員會註冊為執業牙齒衞生員，有經驗的話仲有機會跳point，不過現職政府牙齒衞生員就唔可以申請喇。牙齒衞生員主要職責係清潔牙齒、去除牙石和牙漬、使用預防牙患藥劑、拍攝口腔內外X光片等。
詳情：https://csboa1.csb.gov.hk/csboa/jve/JVE_003_text.action?jobid=45773&languageType=1
*公務員* 二級私人秘書 DSE 5科2級 起薪17,770 *全年招聘*
同ACO一樣，二級私人秘書都已變成全年招聘，不過二級私人秘書同CA、ACO職責上有分別，係負責做秘書工作，要做埋日程管理、辦公室支援等。二級私人秘書起薪只比ACO高少少，但就要JRE合格，難度唔低，所以唔算太熱門，喜歡秘書工作，又對自己有信心嘅，而家可以隨時申請。
詳情：https://csboa1.csb.gov.hk/csboa/jve/JVE_003_text.action?jobid=47384&languageType=1
*公務員* 助理文書主任（ACO） DSE 5科2級 起薪16,695 *全年招聘*
早前政府update了最新招聘，其中最爆炸性係以往最多人關心嘅低學歷空缺 助理文書主任ACO已經轉為全年招聘！可見政府真係幾唔夠人用，有心考嘅朋友可以放膽嘗試。ACO主要負責政府部門嘅文書工作，都多嘢做架，亦要考技能測驗（打字同Excel），面試成功之後先會知派去邊個部門。
詳情：https://csboa1.csb.gov.hk/csboa/jve/JVE_003_text.action?jobid=47382&languageType=1
*公務員* 文書助理（CA） 中四學歷 起薪14,735 *全年招聘*
同ACO一樣，CA都已變成全年招聘，一樣都係負責政府部門嘅文書工作，亦要考技能測驗（打字同Excel），面試成功之後先會知派去邊個部門，比ACO低一級。
詳情：https://csboa1.csb.gov.hk/csboa/jve/JVE_003_text.action?jobid=47383&languageType=1
*公務員* 政府物流服務署 助理物料供應員 中四學歷 起薪HK$14,735
助理物料供應員主要負責一般倉務工作，包括文件登記、數據處理等，及需管理一個附屬貨倉，並就有關供應鏈嘅工作向上司提供支援。有機會需要輪班或派往不同部門。助理物料供應員要求簡單，只需中四學歷及相應中英文語文能力，薪酬HK$14,735至HK$25,815，1月11日截止申請。
詳情：https://csboa1.csb.gov.hk/csboa/jve/JVE_003_text.action?jobid=47610&languageType=1
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
