10月份，如果想搵政府工，特別係公務員位置，絕對係好時機，最多人等緊嘅ACO（助理文書主任）唔單止開放申請，仲變成全年招聘！另有14個學歷要求唔高嘅全新公務員空缺正在招聘中，而且人工勁高！今個月嘅低學歷要求政府工，起薪最高達HK$46,925，超筍！
Table of Contents
*公務員* 10月政府工最大重點：ACO同CA 全年招聘！*全年招聘*
10月6日政府update了最新招聘，其中最爆炸性係以往最多人關心嘅低學歷空缺 助理文書主任ACO（DSE 5科2級，起薪HK$16,695）同埋 文書助理 CA（中四學歷，起薪HK$14,735），已經轉為全年招聘！（其實仲有二級私人秘書，須DSE 5科2級，起薪HK$17,770，不過要JRE合格，難度高之餘人工又只高ACO一個起薪點，所以唔太熱門）可見政府真係幾唔夠人用，有心考嘅朋友可以放膽嘗試。
助理文書主任 詳情：https://csboa1.csb.gov.hk/csboa/jve/JVE_003_text.action?jobid=47382&languageType=1
文書助理 詳情：https://csboa1.csb.gov.hk/csboa/jve/JVE_003_text.action?jobid=47383&languageType=1
二級私人秘書 詳情：https://csboa1.csb.gov.hk/csboa/jve/JVE_003_text.action?jobid=47384&languageType=1
*公務員* 消防處 消防隊長（行動） DSE 5科3級 起薪HK$46,925 *全年招聘*
消防處嘅消防隊長（行動）在學歷方面有階段性要求，唔同學歷入職起薪點唔同，最高要求係學士學位，起薪HK$52,070，最低要求為DSE 5科3級或以上成續，起薪HK$46,925，另外亦有體能、視力測驗。消防隊長（行動）主要負責主管消防局及緊急救援車輛、為消防員提供訓練、指揮及領導消防員執行緊急及防火職務，以及參與行政工作，例如人事管理及策劃等職務。
詳情：https://csboa1.csb.gov.hk/csboa/jve/JVE_003_text.action?jobid=47385&languageType=1
*公務員* 懲教署 工藝導師(金工) 中三或以下 起薪HK$39,315
呢個職位其實係同教育有關，雖然學歷要求低，但需要受過金工行業相關訓練，並有不少於10年相關工作經驗，仲要通過金工測驗。主要負責訓練及指導在囚人士從事金屬製品嘅生產，監管工序包括金屬剪裁、切割、焊接、鑽孔、打磨、塗漆等，協助佢地嘅職業發展同埋培訓。需要著制服，有機會要輪班同埋住宿舍。
詳情：https://csboa1.csb.gov.hk/csboa/jve/JVE_003_text.action?jobid=47370&languageType=1
*公務員* 香港警務處 警員 DSE 5科2級 起薪HK$28,095 *全年招聘*
紀律部隊中警員入職起薪算非常高，達HK$28,095。除最基本DSE要求外，須筆試及體能測試等，另外學歷方面亦有彈性處理，未畢業都可以先錄用再讀埋所需學歷。
詳情：https://csboa1.csb.gov.hk/csboa/jve/JVE_003_text.action?jobid=47141&languageType=1
*公務員* 香港海關 關員 DSE 5科2級 起薪HK$24,725 *全年招聘*
海關在要求方面同警員相約，一樣係DSE 5科2級同埋考筆試、體能測試等。起薪稍低，只得HK$24,725，比警員低HK$2,000以上。留意返海關關員或有需要在前線執勤，需要佩槍，有一定危險性。
詳情：https://csboa1.csb.gov.hk/csboa/jve/JVE_003_text.action?jobid=47308&languageType=1
*公務員* 消防處 消防員（行動／海務） DSE 5科2級 起薪HK$24,725
消防署仲有其他職位無需學位，好似消防員（行動／海務），DSE就考得，但同樣需要考體能，人工ok，起薪HK$24,725！消防員（行動／海務）主要負責執行行動／海上職務，例如滅火同救援工作，以及負責火警調查 同埋防火職務。
詳情：https://csboa1.csb.gov.hk/csboa/jve/JVE_003_text.action?jobid=47362&languageType=1
*公務員* 入境事務處 入境事務助理員 DSE 5科2級 起薪HK$24,380 *全年招聘*
紀律部隊中，入境事務助理員危險性較低（但並非全無危險），起薪也較低，只有HK$24,380。入境事務助理員負責執行入境、人事登記、生死及婚姻登記等職務，需要負責搜查、看管、護送、巡邏、接待、駕駛等工作，唔係只等你落機吸個印咁簡單。
詳情：https://csboa1.csb.gov.hk/csboa/jve/JVE_003_text.action?jobid=47377&languageType=1
*公務員* 懲教署 工藝教導員(印刷) 中三或以下 起薪HK$24,040 *全年招聘*
同上面懲教署嘅金工導師差不多，都係負責同在囚人士進行職業訓練，但就低級少少，呢個post係教印刷業或出版業生產，需要完成有關印刷業或出版行業嘅訓練，與及最少5年相關工作經驗。
詳情：https://csboa1.csb.gov.hk/csboa/jve/JVE_003_text.action?jobid=47334&languageType=1
*公務員* 懲教署 二級懲教助理 中五畢業 起薪HK$23,365 *全年招聘*
二級懲教助理主要職責係監督在囚人士、教導所／更生中心嘅青少年同埋戒毒所內嘅戒毒者，一睇就知並唔輕鬆，一樣要考體能，起薪同警員相差超過HK$4,500。不過如果成續好啲，再考埋護士證書，起薪都可以去到HK$25,800，咁就好睇好多。
詳情：https://csboa1.csb.gov.hk/csboa/jve/JVE_003_text.action?jobid=47363&languageType=1
*公務員* 衞生署 牙齒衞生員 副學士或高級文憑 起薪HK$18,965 *全年招聘*
呢個職位學歷要求唔算低，僅僅無需大學學位，但就需要係已向香港牙醫管理委員會註冊為執業牙齒衞生員，有經驗的話仲有機會跳point，不過現職政府牙齒衞生員就唔可以申請喇。牙齒衞生員主要職責係清潔牙齒、去除牙石和牙漬、使用預防牙患藥劑、拍攝口腔內外X光片等。
詳情：https://csboa1.csb.gov.hk/csboa/jve/JVE_003_text.action?jobid=45773&languageType=1
*公務員* 政府物流服務署 汽車司機 小學學歷 起薪HK$18,965
政府物流服務署 汽車司機只需小六學歷，但就須要持有有效嘅私家車及中型貨車香港駕駛執照。
汽車司機主要職責係駕駛所有類型嘅政府車輛同埋租賃車輛（電單車除外），亦會被派去政府唔同部門工作。
詳情：https://csboa1.csb.gov.hk/csboa/jve/JVE_003_text.action?jobid=47318&languageType=1
*公務員* 機電工程署 見習技術主任（屋宇裝備） DSE 數學3級+4科2級 起薪HK$16,025
機電工程署 見習技術主任（屋宇裝備）學歷要求唔算低，最好有電機、機械或屋宇裝備工程證書，冇嘅都至少要DSE 數學3級，另外4科，包括物理或綜合科學或組合科學（化學、物理）或組合科學（生物、物理），成績達第2級或以上。人工低嘅原因係呢個係見習位，需要再受訓同埋修讀課程，職責係擬備圖則同埋簡單工程文件等，有機會會借調到其他政府部門。
詳情：https://csboa1.csb.gov.hk/csboa/jve/JVE_003_text.action?jobid=47359&languageType=1
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓