過去嘅復活節同櫻花季節，大家都見到咩叫報復性回鄉，最大感覺係，啲機票貴到令人髮指。嚟緊暑假都係旅遊旺季，仲要旺一家大細親子團，大家記得首先要揀定張回贈高嘅信用卡，同埋記得盡早計劃好行程就快啲買機票！揀信用卡就等筆者代勞，下面已經幫你比較晒市面高現金回贈同埋里數回贈嘅信用卡喇！
Table of Contents
暑假買機票信用卡現金回贈比較表
| 信用卡 | 買$5,000機票 現金回贈 | 買$10,000機票 現金回贈 | 買$20,000機票 現金回贈 | 買$50,000機票 現金回贈 |
| 渣打Smart信用卡 | $1,228 | $1,256 | $1,312 | $1,480 |
| DBS Live Fresh信用卡 | $750 | $750 | $750 | $750 |
| WeWa 銀聯 | $200 | $900 | $1,300 | $2,500 |
| 滙豐Red信用卡 | $200 | $900 | $1,075 | $1,375 |
| 信銀國際Motion信用卡 | $200 | $900 | $900 | $900 |
| EarnMORE 銀聯 | $100 | $700 | $900 | $1,500 |
| 渣打Simply Cash Visa卡 | $75 | $750 | $900 | $1,350 |
| Citi Cash Back Card | $50 | $1,100 | $1,200 | $1,500 |
上表係比較唔同信用卡，用嚟買唔同價錢嘅機票，可以賺到幾多現金回贈。留意以上現金回贈係計埋各張信用卡迎新優惠嘅，如果你已有某銀行信用卡，咁你揀其他銀行嘅信用卡食迎新，通常都會回得比較多。
如果比較現金回贈，而你本身又冇渣打信用卡的話，平價至中價一定係渣打Smart信用卡最高回贈，因為佢個迎新簽$4,000回$1,200係贏晒。但如去到簽$20,000以上的話，WeWa 銀聯嘅買機票4%回贈（上限回$2,000）會慢慢趕返上嚟。另外一提，如果再簽高啲，例如用嚟買長途商務、頭等機位，就應該要揀無上限回贈嘅信用卡，例如渣打Simply Cash Visa卡（1.5%）或者Citi Cash Back Card（1%），滙豐Red信用卡同EarnMORE 銀聯其實都係無上限，分別在前者網上簽滿$12,500後仍有1%無上限回贈，同埋後者簽滿$15萬後仍有1%無上限回贈。
暑假買機票信用卡里數回贈比較表
| 信用卡 | 買$5,000機票 里數回贈 | 買$10,000機票 里數回贈 | 買$20,000機票 里數回贈 | 買$50,000機票 里數回贈 |
| 渣打國泰 Mastercard | 16,250 | 19,500 | 22,000 | 54,500 |
| DBS Black World Mastercard | 5,583 | 7,667 | 11,833 | 24,333 |
| 滙豐EveryMile信用卡 | 1,000 | 22,000 | 24,000 | 30,000 |
| Citi PremierMiles信用卡 | 625 | 10,250 | 11,500 | 15,250 |
同樣，以上嘅里數回贈都係計埋各張信用卡嘅迎新優惠，如果冇迎新，其實就唔好揀換里數喇，因為基本回贈唔多，渣打國泰 Mastercard最高都係得$4/里，其餘滙豐EveryMile信用卡$5/里、DBS Black World Mastercard $6/里、Citi PremierMiles信用卡更加只得$8/里，呢啲水位不如揀返現金回贈啦，唔好煩。
好喇，當計埋迎新，成件事就唔同晒，首先畀個簡單標準大家先，用里數換1套日本經濟艙來回機票，需要2萬里。咁即是話，渣打係有優勢，平平地簽$5,000已經差不多換到一套，簽$5萬蚊更加換到接近3套！不過留意返，你用渣打國泰 Mastercard要去返國泰或者HK Express買機票，先做到呢個里數回贈。相比之下，滙豐EveryMile信用卡都非常唔錯，但DBS Black World Mastercard同Citi PremierMiles信用卡呢兩張老牌里數卡，就相當令人失望，真係寧願玩現金回贈好過。
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
