政府已宣布2023年內，所有政府收費隧道都會轉為以易通行收費，屆時就會取代傳統人手收費同埋Autotoll。易通行已經可以申請，首階段原訂於2月26日開始在青沙管制區實施，運輸署已宣布延至5月7日早上7時才推行。本文會教大家易通行申請方法，同埋最緊要繳費方面，點樣可以利用信用卡賺返最多回贈！
Table of Contents
易通行 運作方式
易通行點收費？簡單講係車主將「收費貼」貼在車上，經過隧道收費點時，易通行收費系統就會根據收費貼同埋車牌號碼作自動收費。所以到時車主唔需要再排隊畀錢，亦唔需要好似Autotoll咁要行特定行車線。
收費貼分為 車輛貼 與 車種貼
要使用易通行，車主首先要選擇貼上「車輛貼」定係「車種貼」。車輛貼需要申請，步驟較繁複，不過就係免費（每部車頭1張免費，其後每張HK$51），同埋有好多增值方式可以選擇；車種貼你去買就得，好似八達通咁，一個價錢包一定儲值額，不過就要親身去指定地點先有得增值。
車輛貼
雖然有啲步驟，但其實申請車輛貼都算簡單，你可以以下3種方式申請：
- 親身申請，去易通行客戶服務中心，佢地會幫你搞。（地址）
- 書面申請，去易通行客戶服務中心攞表格，或者在網站下載表格（網址），跟住郵寄或者電郵遞交。
- 電子申請，可以上易通行網站，或者以易通行手機應用程式（下載連結）申請。
申請完之後，你就可以去註冊戶口，註冊要用到易通行網站或者易通行手機應用程式，呢度建議車主一開始就裝返個App穩陣。在易通行App內首頁，按「註冊戶口」，然後揀返戶口類型（一般車主戶口／商用車公司戶口／商用車司機戶口），再跟住指示輸入資料同驗證就得，需要輸入車牌號碼、手機號碼或電郵地址等資料。都算簡單，好快完成。
註冊完成後，就可以根據自己戶口類型，在App內新增車輛，然後收到車輛貼後，將車輛貼貼上車上。增值方面，車輛貼可以用信用卡或銀行戶口自動增值，或者信用卡或電子錢包單次增值，當然都可以去客戶服務中心、服務點或7-11便利店親身增值啦。
車種貼
車種貼唔需要申請，可以直接去易通行客戶服務中心或服務點購買，亦可以在指定自助售賣機買到。唔同類型嘅車輛要買唔同嘅車種貼：
● 電單車、機動三輪車、私家車、的士、公共小巴、私家小巴及輕型貨車：港幣100元(包含之基本儲值額: 港幣62元)
● 中型貨車、重型貨車、單層公共巴士及單層私家巴士、雙層公共巴士及雙層私家巴士：港幣200元(包含之基本儲值額: 港幣162元)
買完之後，車種貼需要在易通行App內啟動。增值就只可以親身去到客戶服務中心、服務點或7-11便利店增值。跟住將車種貼貼於車輛上指定位置就可以。
易通行 信用卡回贈比較
現時易通行分為車輛貼和車種貼。由於車種貼只接受親身增值，因此回贈手法不多，如增值點接受信用卡拍卡（未必接受），就選EarnMORE銀聯卡，有2%現金回贈；如收八達通，就以渣打Simply Cash Visa八達通自動增值的1.5%現金回贈為佳。
車輛貼方面，收費方式較多，有機會賺到回贈的有以下途徑：
單次增值：信用卡（Visa、MasterCard、銀聯）、電子錢包（Wechat Pay HK、Alipay HK、PayMe、八達通）
自動增值：信用卡（Visa、MasterCard、銀聯）
易通行 信用卡單次增值比較
信用卡單次增值即是在易通行App內以信用卡付款，一般用App付款計邊種回贈，完全係睇銀行決定，部分例如Call的士、叫外賣App會計網上回贈，但預計易通行就會計返基本回贈或者駕駛回贈，呢部分需要逐張信用卡測試。為免誤導，以下只列出已知會計算嘅回贈，未經測試者均不會介紹你用。
| 信用卡 | 單次增值回贈 | 回贈上限 |
| 大新MyAuto信用卡 | 8% 現金回贈 | 每月HK$100 |
| EarnMORE銀聯卡 | 2% 現金回贈 | 每年HK$1,500 |
| 渣打Simply Cash Visa | 1.5% 現金回贈 | 無上限 |
| Citi Cash Back Card | 1% 現金回贈 | 無上限 |
| 大新ONE+白金卡 | 1% 現金回贈 | 無上限 |
| DBS Black World MasterCard | HK$6/里 | 無上限 |
| Citi Prestige信用卡 | HK$6/里 | 無上限 |
易通行 電子錢包單次增值比較
電子錢包增值易通行，點樣可以贈到回贈？簡單講即是將電子錢包綁定電子錢包進行增值（呢part會有回贈），然後再增值易通行。不過留意信用卡增值電子錢包有每月上限，Wechat Pay HK、Alipay HK、PayMe每月增值上限HK$1,000，八達通銀包每月增值上限HK$3,000，如果月量大的話最好揀其他方法。
| 信用卡 | Wechat Pay HK | Alipay HK | PayMe | 八達通 |
| 渣打Simply Cash Visa | ／ | ／ | 1.5% 現金回贈 | 1.5% 現金回贈 |
| Citi Cash Back Card | 1% 現金回贈 | 1% 現金回贈 | 1% 現金回贈 | 1% 現金回贈 |
| 大新ONE+白金卡 | 1% 現金回贈 | 1% 現金回贈 | 1% 現金回贈 | 1% 現金回贈 |
| EarnMORE銀聯卡 | ／ | ／ | ／ | 1% 現金回贈 |
| Citi Prestige信用卡 | HK$6/里 | HK$6/里 | HK$6/里 | HK$6/里 |
| DBS Black World MasterCard | HK$6/里 | HK$6/里 | HK$6/里 | HK$12/里 |
| 渣打國泰萬事達卡 | ／ | ／ | HK$6/里 | HK$6/里 |
易通行 信用卡自動增值比較
信用卡自動增值則是以信用卡自動轉賬方式繳款，需要預先填寫授權書，因此信用卡回贈會計做轉賬繳費回贈，只有少數信用卡會有回贈。
| 信用卡 | 自動增值回贈 |
| Citi Cash Back Card | 1% 現金回贈 |
| 大新ONE+白金卡 | 1% 現金回贈 |
| DBS Black World MasterCard | HK$6/里 |
| Citi Prestige信用卡 | HK$6/里 |
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓