HKTV每年年頭都有vision day，同商戶講下黎緊呢年發展方向，同operation相關安排，但今年就似訓示大會多啲。訓示班商戶─懶。
Table of Contents
香港電商根本唔係同自己本土鬥
Ricky話而家香港電商根本唔係同自己本土鬥(基本上開埋名話bigbigshop、ztore係廢既)，而係同全世界鬥，係同Amazon、阿里呢啲巨人鬥。佢講得啱喎，而家網購理得你本土定海外，快、靚、正就得啦。supplement我自己就喺iherb買、林嬸嘢就淘寶買，連維基自己都去Amazon買貓貓用品。呢啲海外平台送貨速度唔差得過TVmall，有時仲要快啲添，如果唔係TVmall靠超級市場貨箍住啲人流，都未必有咁多人喺TVmall順手買埋其他野。
商戶唔合作，唔夠積極
維基直接話啲商戶唔合作，唔夠積極，禮拜日唔肯開工執貨，攪到禮拜五落單，客人要禮拜二先收到貨，咁就收得皮啦(佢差唔多意思)。佢甚至要求啲商戶最好7 x 24年中無休開工，一有單就執貨俾TVmall。不過佢都知7×24過份左，所以佢決定今年下半年提供第三方物流服務，擴大配送設施，商戶熱賣貨品可以預先存入TVmall貨倉，TVmall就可以用自己自動化系統迅速執貨，最終目標係夜晚落單，第二朝送貨。
短期盈利能見度好低
HKTV持續投資落物流，提升顧客體驗，呢個方向係啱既，但最後係咪做到今晚落單、聽朝送貨？加大投放物流後，配送成本佔收入係咪如願低過10%？送貨就算快咗，GMV係咪會升好多？而家GMV增速放緩、兼且加大投入marketing同物流後，盈利凍過水，但EESE、HKTVexpress、無人店等等新業務又未見邊瓣掂，短期盈利能見度好低。 After all，我仍然對HKTV長遠發展樂觀。睇得出維基擁有高度危機感，之前我亦寫過危機感係企業持續成功既重要因素，正如佢喺通告所講： 「我們不知道任何一個計劃將會成功與否，但我們知道，若不嘗試任何新發展，我們終有一天會失敗。」
*此文章由專欄作家：財經卒仔提供
FB: 財經卒仔 (https://www.facebook.com/FinSmallSoldier/)
IG: @finsmallsoldier
免責聲明：本平台發佈的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本平台及相關作者無關。而WavingCat旗下網站或社交平台的網誌內容及觀點，僅屬筆者個人意見，與WavingCat立場無關。WavingCat對因上述人士張貼之資訊內容所帶來之損失或損害概不負責。
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
