本港樓價疲弱，其實寫字樓市場一樣唔好過。滙豐研究指本港寫字樓的空置率升至12.9%，創約20年高，高過2003年沙士的時候。雖然數字仍然靚仔過全球水平的，16%但滙豐研究認為寫字樓供應將會上升，寫字樓租金今年會跌5%至7%。
在混合工作模式、利率高企及供過於求下，寫字樓市場受到打擊，增加租戶在議價上的能力。要知道2023年租金已下跌5.9%，今年租金會再跌5%至7%，遠較早前預測的３％高。
寫字樓業主如果想單位租得出，應該向甚麼客源埋手呢？滙豐研究指出，內地企業於本港辦公室的租賃率已由2022年的6%升至22%，業主可以向這些企業埋手。滙豐研究又認為，當見到更多企業赴港開設辦公室，IPO市場熱絡起來，以及經濟增長強勁，寫字樓的需求才會上升。
寫字樓租務情況不理想，滙豐研究亦看淡不少收租股的股價，包括下調希慎 （00014） 及冠君 （02778） 的目標價，對希慎維持「買入」評級，冠君為「減持」。
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓