上星期美國證券交易委員會（SEC）宣布，批准比特幣現貨 ETF掛牌，首批總共11隻現貨比特幣 ETF現已上市！突然間，投資者多咗一個全新方或投資加密貨幣，而且聞說比直接買幣更容易，門檻更但低？本文就一次過為大家解構究竟買幣定係買ETF好啦！（資料截至2024年1月16日）
Table of Contents
比特幣現貨 ETF｜現時有11隻ETF選擇
上文提到，今次SEC 首批一共批准咗11隻比特幣現貨 ETF，咁大家不如首先睇下係邊11隻，同埋佢地嘅交易費。留意部分ETF一開始會提供豁免或特低交易費，有效期後盲會收正價。
| 比特幣現貨 ETF | 美股代號 | 發行商 | 交易費 （現時） | 交易費 （豁免期後） |
| ARK 21Shares Bitcoin ETF | ARKB | 21Shares & ARK | 0% | 0.25% |
| Bitwise Bitcoin ETF | BITB | Bitwise | 0% | 0.24% |
| Valkyrie Bitcoin Fund | BRRR | Valkyrie | 0.8% | 0.8% |
| Invesco Galaxy Bitcoin ETF | BTCO | Invesco & Galaxy | 0% | 0.59% |
| WisdomTree Bitcoin Fund | BTCW | WisdomTree | 0.5% | 0.5% |
| Hashdex Bitcoin ETF | DEFI | Hashdex | 0.9% | 0.9% |
| Franklin Bitcoin ETF | EZBC | Franklin | 0.29% | 0.29% |
| Fidelity Wise Origin Bitcoin Trust | FBTC | Fidelity | 0.39% | 0.39% |
| Grayscale Bitcoin Trust | GBTC | Grayscale | 1.5% | 1.5% |
| VanEck Bitcoin Trust | HODL | VanEck | 0.25% | 0.25% |
| iShares Bitcoin Trust | IBIT | BlackRock | 0.2% | 0.3% |
比特幣現貨 ETF｜現貨比特幣 ETF 是甚麼？
比特幣現貨 ETF係一個讓投資人唔需要擁有比特幣（Bitcoin）就可以投資比特幣嘅方法，簡單講係由證券商在股票市場發行指數股票型基金（ETF），而現貨比特幣就由證券商持有並搵人管理，比特幣價值與及投資成本反映在ETF嘅股價上，所以投資在比特幣現貨 ETF就係一種比特幣嘅間接投資方式。
雖然多年來因破獲嘅非法活動中沒收大量比特幣以至成為世界最大比特幣擁有者，但美國政府對比特幣一直係唔信任，因為難以監管以致比特幣或其他加密貨幣常被用於洗黑錢、勒索、恐怖主義等非法活動，所以從來唔畀現貨比特幣 ETF發行，但最後因為SEC 打輸官司，最終都要放行。
比特幣現貨 ETF｜比特幣現貨ETF 同之前嘅加密貨幣ETF有咩分別？
如果有投資開美股，不難發現其實以前一直都有加密貨幣嘅股票甚至ETF可以投資，咁同今次批准嘅比特幣現貨 ETF有咩唔同？最簡單直接嘅分別就在字面上：現貨。
以往，以證券方式投資加密貨幣有兩種方法，第一種係加密貨幣期貨ETF，券商無需持有現貨，單純追蹤加密貨幣期貨價格，最大缺點係常有跟現貨價格脫勾情況出現，因為佢追嘅係期貨。加密貨幣期貨ETF例子有：BITO、3066.HK、3135.HK等。
第二種係加密貨幣概念股，即投資於加密貨幣平台、區塊鏈科技、挖礦公司等，處於相近產業並受加密貨幣影響價值嘅公司，最出名嘅有Coinbase（COIN）、SQ Block（SQ）、PayPal（PYPL）、Marathon（MARA）、Riot Blockchain（RIOT）等。
而現貨比特幣 ETF就需要持有並管理現貨比特幣，不但更為直接地追蹤比特幣價格，甚至ETF本身如持貨量夠多，有機會反過來影響比特幣價格。
比特幣現貨 ETF｜投資比特幣現貨ETF與直接投資比特幣，有何優劣？
投資比特幣其中最令人卻步嘅地方有二，一係有太多加密平台爆煲而引致嘅信心危機，二係加密貨幣同傳統貨幣因法律問題而提現困難，而對於比特幣本身，其實好多人反而係幾有信心。比特幣現貨 ETF相信可以幫到呢批人投資比特幣，但當然佢都有缺點，並非完美。
優點：
- 容易投資。成為美國發行嘅ETF意味住香港人只要有個美股戶口就可以買賣。
- 入場費低。以現時而言，最平嘅比特幣現貨 ETF 200蚊港紙就可以入場，交易費更加微乎其微，部分美股平台直頭免佣。
- 輕鬆Cash Out。唔會再遇到賺咗幣價但兌唔返現金嘅情況，亦唔會因為洗黑錢嫌疑而被封鎖銀行戶口。
- 投資方法更豐富。下一步可能會推出反向或槓桿ETF，如你有眼光，就可以有更多工具助你獲利。
缺點：
- 無法避免交易所風險。比特幣現貨要託管，例如Coinbase現時正為11隻當中嘅8隻比特幣現貨 ETF做託管，所以依然會受到交易所風險。
- 並非擁有比特幣。呢個就梗架啦。
- 唔適合長期持有。由於ETF有手續費等交易成本，長揸會蝕價，所以只適合以較低比例本金進行中短線短炒，以低本金平衡高風險與及以較短投資期蝕少啲手續費。長揸都係直接買比特幣好好多。
（聲明：上述文章僅供參考，並不構成任何投資建議。讀者宜按自己的能力及認知，而作出投資決定。）
WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師，WavingCat都會幫你捉緊錢途。
Follow我們 Social Channel 得到最新資訊 : IG: wavingcat.hk FB: WavingCat招財貓
