【保險系列:若要生活好勿買儲蓄保?】

儲蓄保

近年,儲蓄保險成日都出現係網上論壇,有唔少網民聲稱儲蓄保係「呃人」,更得出「若要生活好,勿買儲蓄保」之談。但其實儲蓄保係咪好似網民咁講係呃人,定抑或另有外情?今日WavingCat整理出同儲蓄保有關嘅資訊。

儲蓄保係咩黎?

儲蓄保係一種保守型嘅理財工具,十分適合只可以承受到低風險投資嘅人。投保人只需要定期交錢,同埋保費供款期相比起其他計劃短,一般3至5年就完,所以一直深受投保人士歡迎。當投保人將資金交俾保險公司,保險公司就會幫投保人投資喺指定資產組合。除咗保單期內有身故賠償保障外,係保單期滿後,投保人可以拎翻本金同紅利。

儲蓄保賣點

儲蓄保主要賣點係固定嘅保證回報同入場門檻低(金額可低至港幣$6,000/年)另外,儲蓄保係利用時間滾存你嘅保費,等你係保單期滿後賺取期滿利益,係一種比較保守同穩定嘅產品。

適合人士

1. 無定期儲蓄習慣嘅人 投保人需要定期供款,仲要係保單完後先可以一筆過拎翻本金同利息。定期嘅供款將儲蓄變成日常生活習慣,令投保人嘅供款繼續滾存。

2. 無時間進行財產增值嘅人 由於儲蓄保嘅供款年期較短,有穩定回報率,所以如果你有穩定收入,只希望有一個固定嘅儲蓄目標,係經濟不景嘅時候用較低風險嘅理財工具去做財富增值,亦考慮清楚自己係唔會中途退保,儲蓄保將會係不錯嘅選擇。

點揀儲蓄保

現時,市面上出現唔同嘅儲蓄保計劃。面對林林總總嘅計劃時,投保人需考慮清楚自己嘅儲蓄目標同供款能力。投保人如果無係買前考慮清楚自己嘅收入同供款能力,並係供款過程中決定退保拎翻收益金額,係有機會蒙受損失。

常見3大風險

1. 延誤繳交保費 如果投保人延誤繳交保費,係會影響保單中嘅收益,最嚴重嘅情況係保險公司會終止保單。

2. 流動性風險 如果投保人因突發事件而需要流動資金,可以根據保單條款向保險公司作全數或部分退保去收翻錢,但呢個行為係存在風險,因為投保人最後嘅收益可能係遠低過目標儲蓄嘅金額。

3. 預繳保費風險 通常係儲蓄保計劃中,投保人如果選擇一次性預繳保費,當中期滿保證嘅IRR會較高,但投保人需要自行衡量有無機會係中途提取已預繳嘅部份/全部保費(大多數計劃只可全數提取),但投保人可能因為咁而損失利息等回報。同時,一次預繳保費亦減少咗手上嘅資金流動性。

WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師,WavingCat都會幫你捉緊錢途。

Follow我們 Social Channel 得到最新資訊 : IG: wavingcat.hk FB: WavingCat招財貓


上一篇文章移民馬來西亞:馬來西亞宜居嗎?讓數字告訴你!
下一篇文章【係咁OT我畀埋条命你好冇: 港人壓力指數全球排第五】