2318今次真係令我跌眼鏡，唔係因為份業績（一早預左佢差），而係個壽險改革，做左近四年，仲係無嘜料到。
Table of Contents
2318壽險改革無乜料到
份全年業績，唔講其他，淨係講最重要既壽險，淨利潤隊37%。OK，用撇除短期波動既營運利潤都只係微升3.6%。最重要既盈利來源，剩餘邊際攤銷已經幾乎無得升，期末剩餘邊際仲要倒退2.0%，今年新業務價值仲係跌的話，營運利潤跌都唔出奇。
保單利潤率低
內含價值方面當然都唔係好，扣償後新業務價值倒退23.6%；內含價值微升6.3%，仲有得升全靠資產淨值上升，扣償後有效業務價值只係持平。
條數仲係咁差，咁呢四年大刀闊斧cut agents、轉攻中高收入客戶，為乜？改革係咪可以宣告失敗？平安舊年月均agent人數由105萬跌到落80萬人，去到舊年年底得返60萬人，欣慰既係agent人均首年保費升咗22%；不過，人均新業務價值要跌4%，原因係保單既價值率大跌：一來賣多咗理財型產品、二來經濟麻麻，競爭大，保單利潤率低咗。
新業務價值增長壓力仍然大
平均每月出單代理人(活動率)由2018年中既65%，持續跌到2021年年中既43.9%，21年全年達到47%，終於睇到反彈跡象。
改革真係好痛苦，難度完全超過管理層預期，但方向係啱，死都要堅持落去。今年我都唔敢太樂觀，代理人數可能仲會落，不過好大機會今年見底。新業務價值增長仍然好大壓力，保守啲估今年仲會跌少少。
前路茫茫，點解百萬倉仲要入平安？因為平囉，低位揸住等佢改革成功。假設以後無增長，一直維持返今年咁上下既新業務價值，壽險業務都值62蚊，加埋財險業務同其他上市公司市值，我估合理值大約每股$87。
*此文章由專欄作家：財經卒仔提供
FB: 財經卒仔 (https://www.facebook.com/FinSmallSoldier/)
IG: @finsmallsoldier
免責聲明：本平台發佈的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本平台及相關作者無關。而WavingCat旗下網站或社交平台的網誌內容及觀點，僅屬筆者個人意見，與WavingCat立場無關。WavingCat對因上述人士張貼之資訊內容所帶來之損失或損害概不負責。
Follow我們 Social Channel 得到最新資訊 : IG: wavingcat.hk FB: WavingCat招財貓