2021年已經過咗一半有多，但今年股市都算係多災多難。由股值爆破，新經濟股大回調，滴滴出行強行赴美上市，到近日恒大被銀行申請財產涷結，壞消息真係一浪接一浪。
由3月至今，恒生指數一直處於高位橫行格局，大約係27500點到29300點。依種橫行格局已經徘徊咗4個月，但再睇番美股一直係上升嘅格局。最近好多分析專家都話美股將會出現大回調甚至面臨股災！作為一位投資者，先唔理會唔會出現股災，我地先假設美股有一個合理回調，喺港股最近跟跌唔跟升同負面情緒領導下，分分鐘有可能要跌多1000-2000點！就好似尋日 (19/07/2021) 恒大因為被銀行申請財產涷結就已經跌咗500幾點。如果美股真係出現調整嘅話，真係唔知港股會下調到幾多點。
筆者對今年高位橫行嘅恆指圖，係處於非常小心嘅投資狀態。大家睇返過往嘅圖表就會發現，當恆生指數保持住一個高位橫行格局嘅時候，多數都係大戶托住指數出貨嘅表現，並且會維持幾個月至半年嘅時間，之後就會出現大調整。筆者相信某啲板塊會同恆生指數出現反方向嘅表現，譬如太陽能板塊丶航運股丶芯片股丶電池股丶風電股。
大家好！我叫Kenneth，係新加入Waving Cat嘅小編。如果大家對我寫嘅文章都有同感，希望大家可以俾個like我。暫定逢星期一同星期五我都會出post，我地下個post 再見！
免責聲明：本平台發佈的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本平台及相關作者無關。而WavingCat旗下網站或社交平台的網誌內容及觀點，僅屬筆者個人意見，與WavingCat立場無關。WavingCat對因上述人士張貼之資訊內容所帶來之損失或損害概不負責。
Follow我們 Social Channel 得到最新資訊 : IG: wavingcat.hk FB: WavingCat招財貓
