科技進步其中一個體現係使錢愈來愈方便，好似返大陸消費咁，已經好難用冇cash／冇微信之類做藉口，而家連數字人民幣都出埋，開錢包又易，唔需要大陸銀行戶口，仲可以直接用港紙增值！而家一定要與時並進，住得香港無辦法架喇，等筆者用呢篇文詳細教你數字人民幣e-CNY嘅玩法啦！
Table of Contents
數字人民幣｜數字人民幣是甚麼？
數字人民幣（e-CNY）係由中國人民銀行發行嘅數字式法定貨幣，雖然係屬數位貨幣，但性質上與虛擬貨幣有啲唔同，數字人民幣等同手持人民幣現鈔，功能屬性同紙鈔完全一樣，只不過形態係數位化，而且數字人民幣係由國家發行，有國家信用擔保。而使用上，數字人民幣類似電子錢包，有電子錢包嘅方便，但就比電子錢包更注重安全性，可以雙離線支付（無網路加上無銀行帳戶），交易無手續費，香港人只需簡單地以轉數快FPS，用港幣增值數字人民幣錢包，就可以北上消費。
數字人民幣｜香港用戶使用注意事項
- 在香港開嘅個人數字人民幣錢包（數幣錢包），只需要用香港手機號碼登記，然後自行選用運營機構嘅數幣錢包。並唔需要開內地銀行戶口，增值可以經「轉數快」進行。
- 現時香港人只可以開第4類錢包，非實名認證，但有相關上限。
- 現時數字人民幣只可作跨境支付，不適用於個人之間轉帳。未來，在實現實名認證後，可支援升級錢包至更高支付限額及更多功能。
- 除大灣區外，亦可在內地其他試點地區使用。
- 用戶可設定數幣錢包登入及支付密碼，可開啟或關閉小額免密支付並靈活設置小額免密支付金額，保障資金安全。
數字人民幣｜使用地區及服務
數字人民幣而家仍然係開始階段，所以未算好普及，暫時有17個省市26個地區，包括北京、天津、河北省、大連、上海、江蘇省、杭州、寧波、溫州、湖州、紹興、金華、福州、廈門、濟南、青島、長沙、廣東省、南寧、防城港、海南省、重慶、四川、昆明、西雙版納、西安，合共1千萬個商戶支援數字人民幣，不過最常用嘅搭車、外賣app等就仲未用到，要再等陣。而香港當然就更少，只得200幾間商戶用到，不過數字會陸續增加，大家認住以下標誌，有呢個標誌嘅商戶你就可以用數字人民幣付款。
數字人民幣｜錢包
現時數字人民幣錢包根據實名程度，分為4類錢包，如上文所講，香港人現時只能開第四類錢包。以下為4類錢包之間嘅分別同比較：
| 一類錢包 | 二類錢包 | 三類錢包 | 四類錢包 | |
| 香港人開 | 不可以 | 可以 | ||
| 實名程度 | 強實名 | 較強實名 | 較弱實名 | 非實名 |
| 遠程開立 | 需面簽 | 可以 | ||
| 認證項目 | 人面識別身份證件手機號碼銀行賬戶 | 人面識別身份證件手機號碼 | 手機號碼／郵箱 | |
| 錢包數量 | 一人同一機構限一個 | 一人手機號碼同一機構限一個 | ||
| 綁定卡 | 綁定一類本人銀行借記卡 | 不可綁定 | ||
| 餘額上限 | ／ | 50萬人民幣 | 2萬人民幣 | 1萬人民幣 |
| 單筆上限 | ／ | 5萬人民幣 | 5千人民幣 | 2千人民幣 |
| 每日上限 | ／ | 10萬人民幣 | 1萬人民幣 | 5千人民幣 |
| 每年上限 | ／ | ／ | ／ | 5萬人民幣 |
數字人民幣｜限額
目前香港人可以使用數字人民幣限額為：
| 項目 | 限額 |
| 餘額上限 | 10,000 人民幣 |
| 單筆支付金額上限 | 2,000 人民幣 |
| 每日累計支付金額上限 | 5,000 人民幣 |
| 每年累計支付金額上限 | 50,000 人民幣 |
數字人民幣｜營運機構
數字人民幣香港4間營運機構分別為：中國銀行、交通銀行、中國建設銀行、中國工商銀行。
數字人民幣｜註冊、下載及登記
- 要開始使用數字人民幣，首先第一步係用手機下載數字人民幣app
○ 數字人民幣下載連結
■ Andriod：數字人民幣
■ iOS：數字人民幣
- 完成下載後打開數字人民幣app，按指示註冊
- 輸入有效香港電話號碼，並選擇「+852」為地區碼
- 選擇銀行以開通數字錢包，現時只能從中銀香港、交通銀行、中國建設銀行或中國工商銀行之間選擇，但每人可以開最多4個錢包
數字人民幣｜增值
現時可以用數字人民幣app以香港17間銀行嘅轉數快FPS進行增值。
數字人民幣增值流程
- 打開數字人民幣app，按「充錢包」
- 輸入增值金額，按「下一步」
- 付款方式選擇轉數快FPS
- 按「付款」後選擇銀行，會跳至該銀行app進行轉數快付款
- 按銀行app流程完成轉數快過數
- 完成增值
支援以轉數快FPS增值數字人民幣的香港銀行列表
| 支援人民幣增值 | 支援港幣即時兌換人民幣增值及人民幣增值 |
| ● 中信銀行● 創興銀行● 大新銀行● 星展銀行● 富邦銀行● 眾安銀行 | ● 天星銀行● 中國銀行● 交通銀行● 東亞銀行● 中國建設銀行● 招商永隆銀行● 富融銀行● 恒生銀行● 滙豐銀行● 中國工商銀行● 渣打銀行 |
數字人民幣匯率
港幣兌換人民幣增值嘅匯率，會用返銀行嘅即時匯率，同銀行本身即時電匯牌價相同或相若，即是話用呢個方法增值同你自己去銀行唱人仔差不多，唔會蝕匯。
數字人民幣｜換返港幣
用戶同樣可以將數字人民幣錢包餘款攞返出嚟，換返港幣，不過就要去現時指定4間銀行嘅指定分行，先可以換返現金，非常麻煩。以下係指定銀行嘅指定分行列表：
| 銀行 | 分行 |
| 中國銀行 | 中銀大廈、銅鑼灣、旺角、德福廣場、元朗、大埔 |
| 交通銀行 | 中區、九龍（油尖旺區）、荃灣 |
| 中國建設銀行 | 中環、九龍灣建行中心、大埔 |
| 中國工商銀行 | 灣仔、油麻地、將軍澳、屯門新墟 |
數字人民幣｜限時優惠
交通銀行 送100人仔 先到先得
● 優惠期：即日起至2024年8月15日
● 優惠期內交通銀行（香港）手機銀行客戶若透過轉數快為交通銀行數字人民幣錢包充值，首3328名客戶成功充值，可享數字人民幣100元獎賞。
● 詳情：https://www.hk.bankcomm.com/hk/shtml/hk/tw/2004972/2004979/5042167.shtml
建行（亞洲） 送100人仔紅包 先到先得
● 優惠期：即日起至2024年6月30日
● 優惠期內首3,000名建行(亞洲)銀行或信用卡客戶，以香港手機號碼透過建行(亞洲)手機銀行登記，並開立中國建設銀行數字人民幣錢包，可獲享數字人民幣100元消費紅包，讓您於深圳特選商戶體驗「消費紅包 盡情享」！
● 詳情：https://www.asia.ccb.com/hongkong_tc/personal/banking_channels/promotions/e-CNY/index.html
工商銀行 送200人仔紅包 先到先得
● 優惠期：即日起至2024年5月31日
● 優惠期內登入中國工商銀行（亞洲）手機銀行進入「e-CNY推廣登記」的入口，即可登記數字人民幣優先體驗活動。首200名成功登記活動客戶可於推廣期內下載數字人民幣App及用登記推廣活動時的香港手機號碼註冊工商銀行數字人民幣錢包，即可享200元數字人民幣消費紅包。（登記名額有限，先到先得，額滿即止）● 詳情：https://www.icbcasia.com/hk/tc/promotion/ecny-exclusive-experience-event.html
Follow我們 Social Channel 得到最新資訊 : IG: wavingcat.hk FB: WavingCat招財貓
