2024年6月份，如果想搵政府工，特別係公務員位置，暫時有11個學歷要求唔高嘅全新公務員空缺正在招聘中，而且人工勁高！今個月嘅低學歷要求政府工，起薪最高達HK$46,925，超筍！另外，政府除長工外，其實仲有請兼職，今個月嘅政府兼職時薪高達$757！而政府合約工方面，今個月亦有大量新增筍工，最高人工達$21,875！本文會全部列出。
Table of Contents
搵Part Time？政府都有合約兼職 6月政府兼職時薪高達$757！
搵Part Time唔一定返麥記或者樓下7仔，其實政府都有合約兼職，仲非常多元化，專業到好似醫生兼職又有，普普通通咁做個助理社區幹事又得！時薪有高有低，低到$50幾蚊又有，高達700幾蚊都有，賺到幾多當然就睇你自己嘅學歷同能力啦！
| 職位 | 最低學歷要求 | 時薪（HK$） | 申請截止日期 |
| 衞生署 兼職高級臨床醫生(牙髓治療科) | 專業資格 | $757 | 全年招聘 |
| 衞生署 兼職高級項目經理 | 專業資格 | $731 | 6月13日 |
| 教育局 兼職總項目經理(個人、社會及人文教育) | 學士學位 教學證書 | $731 | 6月14日 |
| 衞生署 兼職合約牙科醫生(牙髓治療科) | 專業資格 | $533 | 全年招聘 |
| 衞生署 兼職合約醫生 | 專業資格 | $446 | 全年招聘 |
| 衞生署 兼職合約醫生[毒品管理科] | 專業資格 | $446 | 全年招聘 |
| 消防處 合約辦公室經理（兼職） | 學士學位 | $378 | 6月13日 |
| 物流署 釘裝機操作員 | 小六或以下 | $123.3 | 全年招聘 |
| 物流署 印刷機操作員 | 小六或以下 | $123.3 | 全年招聘 |
| 警務處 輔警警員 | DSE | $111.5 | 全年招聘 |
| 警務處 輔警警員(輔警大學生計劃) | DSE | $111.5 | 全年招聘 |
| 物流署 印刷工人 | 小六或以下 | $90 | 全年招聘 |
| 民政署 兼職社區幹事 | DSE | $66.5 | 6月14日 |
| 民政署 助理社區幹事（兼職） | 小六 | $54.6 | 6月14日 |
無須大學！今個月政府新開勁多合約筍工 最高人工達$21,875！
雖則非公務員工係比較唔吸引，但間中都有低學歷要求嘅筍嘢，尤其今個月勁多新openings，例如教育局就請緊臨時二級實驗室技術員，月薪$21,875就非常吸引，仲要全年招聘緊！以下仲有其他本月合約筍工，全部都唔需要大學學歷，記得留意申請截止日期，有心報就盡早申請喇！
| 政府部門 | 職位 | 月薪（HK$） | 申請截止日期 |
| 教育局 | 臨時二級實驗室技術員 | $21,875 | 全年招聘 |
| 康樂及文化事務署 | 合約救生員 | $21,455 | 6月13日 |
| 環境保護署 | 項目助理(資源回收) | $20,165 | 6月14日 |
| 政務司司長辦公室 | 合約傭工 | $18,965 | 6月6日 |
| 漁護署 | 合約農林助理員 | $18,615 | 6月14日 |
| 在職家庭及學生資助事務處 | 文員 | $16,680 | 6月13日 |
| 效率促進辦公室 | 客戶服務主任(五天日班) | $16,550 | 6月17日 |
| 政府統計處 | 文員 | $15,170 | 6月20日 |
*公務員* 消防處 消防隊長（行動） DSE 5科3級 中英文2級 起薪HK$46,925 *全年招聘*
消防處嘅消防隊長（行動）在學歷方面有階段性要求，唔同學歷入職起薪點唔同，最高要求係學士學位，起薪HK$52,070，最低要求為DSE 5科3級或以上成續，中英文2級或以上，起薪HK$46,925，另外亦有體能、視力測驗。消防隊長（行動）主要負責主管消防局及緊急救援車輛、為消防員提供訓練、指揮及領導消防員執行緊急及防火職務，以及參與行政工作，例如人事管理及策劃等職務。
詳情：https://csboa1.csb.gov.hk/csboa/jve/JVE_003_text.action?jobid=47714&languageType=1
*公務員* 香港警務處 警員 DSE 5科2級 起薪HK$28,095 *全年招聘*
紀律部隊中警員入職起薪算非常高，達HK$28,095。除最基本DSE要求外，須筆試及體能測試等，另外學歷方面亦有彈性處理，未畢業都可以先錄用再讀埋所需學歷。
詳情：https://csboa1.csb.gov.hk/csboa/jve/JVE_003_text.action?jobid=47141&languageType=1
*公務員* 香港海關 關員 DSE 5科2級 起薪HK$24,725 *全年招聘*
海關在要求方面同警員相約，一樣係DSE 5科2級同埋考筆試、體能測試等。起薪稍低，只得HK$24,725，比警員低HK$2,000以上。留意返海關關員或有需要在前線執勤，需要佩槍，有一定危險性。
詳情：https://csboa1.csb.gov.hk/csboa/jve/JVE_003_text.action?jobid=47843&languageType=1
*公務員* 入境事務處 入境事務助理員 DSE 5科2級 起薪HK$24,380 *全年招聘*
紀律部隊中，入境事務助理員危險性較低（但並非全無危險），起薪也較低，只有HK$24,380。入境事務助理員負責執行入境、人事登記、生死及婚姻登記等職務，需要負責搜查、看管、護送、巡邏、接待、駕駛等工作，唔係只等你落機吸個印咁簡單。
詳情：https://csboa2.csb.gov.hk/csboa/jve/JVE_003_text.action?jobid=48168&languageType=1
*公務員* 懲教署 工藝教導員(木工) 中三畢業 起薪HK$24,040
工藝教導員(木工)主要負責訓練、指導與監管懲教設施內嘅在囚人士從事木工生產作業，產品包括實木家具、嵌板家具、組合式辦公室家具及各式木製用具等，仲要監管工序、協助教學同埋有其他職務。學歷要求只需中三，但注重經驗，需5年木工相關經驗。留意申請截止日期為6月6日，有興趣請盡早報名。
詳情：https://csboa2.csb.gov.hk/csboa/jve/JVE_003_text.action?jobid=48143&languageType=1
*公務員* 懲教署 二級懲教助理 中五畢業 起薪HK$23,365 *全年招聘*
二級懲教助理主要職責係監督在囚人士、教導所／更生中心嘅青少年同埋戒毒所內嘅戒毒者，一睇就知並唔輕鬆，一樣要考體能，起薪同警員相差超過HK$4,500。不過如果成續好啲，再考埋護士證書，起薪都可以去到HK$25,800，咁就好睇好多。
詳情：https://csboa2.csb.gov.hk/csboa/jve/JVE_003_text.action?jobid=48164&languageType=1
*公務員* 漁護署 二級農林督察(自然護理及郊野公園) 文憑或高級證書 起薪HK$22,895
漁護署嘅二級農林督察(自然護理及郊野公園) 工作，包括執行與保育及管理郊區有關發牌及執法嘅工作；負責戶外調查、培訓、遊客服務及教育工作。最低學歷要求係持有農業或林務學校/學院頒發嘅認可文憑或同等學歷，起薪HK$22,895，留意申請截止日期為6月14日，有興趣請盡早報名。
詳情：https://csboa2.csb.gov.hk/csboa/jve/JVE_003_text.action?jobid=48161&languageType=1
*公務員* 衞生署 牙齒衞生員 副學士或高級文憑 起薪HK$18,965 *全年招聘*
呢個職位學歷要求唔算低，僅僅無需大學學位，但就需要係已向香港牙醫管理委員會註冊為執業牙齒衞生員，有經驗的話仲有機會跳point，不過現職政府牙齒衞生員就唔可以申請喇。牙齒衞生員主要職責係清潔牙齒、去除牙石和牙漬、使用預防牙患藥劑、拍攝口腔內外X光片等。
詳情：https://csboa1.csb.gov.hk/csboa/jve/JVE_003_text.action?jobid=45773&languageType=1
*公務員* 二級私人秘書 DSE 5科2級 起薪17,770 *全年招聘*
同ACO一樣，二級私人秘書都已變成全年招聘，不過二級私人秘書同CA、ACO職責上有分別，係負責做秘書工作，要做埋日程管理、辦公室支援等。二級私人秘書起薪只比ACO高少少，但就要JRE合格，難度唔低，所以唔算太熱門，喜歡秘書工作，又對自己有信心嘅，而家可以隨時申請。
詳情：https://csboa2.csb.gov.hk/csboa/jve/JVE_003_text.action?jobid=48042&languageType=1
*公務員* 助理文書主任（ACO） DSE 5科2級 起薪16,695 *全年招聘*
早前政府update了最新招聘，其中最爆炸性係以往最多人關心嘅低學歷空缺 助理文書主任ACO已經轉為全年招聘！可見政府真係幾唔夠人用，有心考嘅朋友可以放膽嘗試。ACO主要負責政府部門嘅文書工作，都多嘢做架，亦要考技能測驗（打字同Excel），面試成功之後先會知派去邊個部門。
詳情：https://csboa2.csb.gov.hk/csboa/jve/JVE_003_text.action?jobid=48041&languageType=1
*公務員* 文書助理（CA） 中四學歷 起薪14,735 *全年招聘*
同ACO一樣，CA都已變成全年招聘，一樣都係負責政府部門嘅文書工作，亦要考技能測驗（打字同Excel），面試成功之後先會知派去邊個部門，比ACO低一級。
詳情：https://csboa2.csb.gov.hk/csboa/jve/JVE_003_text.action?jobid=48040&languageType=1
Follow我們 Social Channel 得到最新資訊 : IG: wavingcat.hk FB: WavingCat招財貓
