由於印尼政府擬推「印傭零收費」，請印傭成本將會大大增加。既然咁貴，會唔會另有選擇？有協會就自稱收到轉請中國內地人作為家傭嘅要求，當然而家大陸經濟咁好，請內地家傭（或者佢地會叫「阿姨」，同年齡無關）貴就肯定貴過請印傭，但語言方面，部分阿姨識講廣東話，就算唔識起碼都講普通話先，溝通唔成問題；質素方面，好多阿姨學歷唔差，識湊又識教，仲煮得一手好菜，部分仲有車牌，簡直萬能。最緊要係，好多阿姨其實只係妙齡，顏值高，Mom未必高興，但Sir一定最讚成。筆者從小紅書精選10位明星臉阿姨畀大家參考吓，你又想唔想有個女明星融入你家中呢？
Table of Contents
*浙江謝安琪* 34歲 朱阿姨 2年保姆經驗
貌似謝安琪嘅朱阿姨來自浙江，1989年出生，現時只有34歲，本身安徽人，嫁咗去浙江。2021至2022年開始做保姆，負責煮飯、清潔，仲要揸車接送5歲小朋友。朱阿姨話自己有責任心，有愛心，性格溫柔，喜歡寶寶，有育嬰師證，人工只需6,500人仔咋。
*廣東胡培蔚* 34歲 梁阿姨 2年保姆經驗
貌似豹嫂胡培蔚嘅梁阿姨係廣東人，今年34歲，有育嬰師證，有2年保姆經驗，負責照片滿月BB同時湊埋2歲小朋友，仲要煮埋飯。做保姆前，曾做過6年幼稚園老師，對細路好有經驗，識湊仲識教。
*廣東官恩娜* ？歲 李阿姨 4年保姆經驗
貌似官恩娜嘅李阿姨，無講自己幾多歲，但睇落應該好後生，最多3字頭。李阿姨來自廣東，在深圳返工，已經在深圳做咗4年保姆，家務、煮飯同湊小朋友都要做，識揸車，有菲傭證、高級家政師證。
*廣東彭慧中* 35歲 錢阿姨 5年保姆經驗
貌似大台主持彭慧中嘅錢阿姨來自廣東，高中學歷，但經驗豐富，有5年深圳做住家保姆經驗，湊小朋友之餘，煮餸仲好叻，又識揸車。
*蘇州Dee姐* 22歲 周阿姨 1年保姆經驗
貌似Dee姐陳海寧嘅周阿姨，只得22歲，相信見到面真係叫唔出佢做阿姨。周阿姨來自蘇州，曾經在美國讀書，英文流利，又去過巴厘島做義教。年紀輕輕已有一年保姆經驗，在廣東住家打工。
*山西趙薇* 32歲 薛阿姨 2年保姆經驗
貌似趙薇仲要係後生版嘅薛阿姨，今年32歲，來自山西。有2年保姆經驗，要湊小朋友同埋做家務、煮飯，做保姆前係做文職。
*陝西陳瀅* 33歲 杜阿姨 2年保姆經驗
有幾分似陳瀅嘅杜阿姨今年33歲，來自陝西，有大專學歷、初級育嬰證、高級母嬰證。有2年在上海做保姆經驗，識湊又識教。
*安徽袁嘉敏* 31歲 肖阿姨 4年管家經驗
半遮面貌似袁嘉敏嘅肖阿姨來自安徽，今年31歲，5呎7吋高，模特兒咁款，有大專學歷，識揸車，有管家證。佢在上海有4年管家經驗，要處理老闆嘅私人會所運作，係「高端」管家，唔係一般阿姨，做管家前仲開過甜品烘焙店，好叻整甜品。
*安徽蔡思貝* 32歲 邵阿姨 2年保姆經驗
短髮貌似蔡思貝嘅邵阿姨來自安徽，今年32歲，手拿多個證書，包括蒙氏證、育嬰師證、行政管家證、家庭廚師證、收納師證、小兒推拿師證等，有2年保姆湊小朋友經驗，煮嘢好食，最擅長煮麵，人工7,000人仔，合理。
*雲南王菀之* 31歲 楊阿姨 2年保姆經驗
笑到有少少似王菀之咁親切嘅楊阿姨來自雲南，今年31歲，有2年於深圳同湖南嘅保姆經驗，特別擅長育兒，亦可以做陪月，或者幫手做家務。
Follow我們 Social Channel 得到最新資訊 : IG: wavingcat.hk FB: WavingCat招財貓