冇錯生日係有好多優惠，但都有分筍唔筍，今次就嚴選最筍嘅20個生日優惠，係有得免費入場玩、免費食好西、免費送生日蛋糕等，絕對唔係俾個折頭你就算！提提大家要留意返優惠要求，有啲要生日正日先得，有啲要有幫襯。你搵得生日優惠，好大機會都就嚟生日，同你講聲生日快樂先！
Table of Contents
生日免費入場
海洋公園 生日當日 免費入場
以質量嚟講，呢個優惠無得頂，海洋公園係香港數一數二主題樂園，而佢個生日優惠幾乎無條件，出示身份證就得！不過就要生日正日使用。
優惠詳情：https://www.oceanpark.com.hk/tc/tickets-and-offers/buy-tickets
迪士尼酒店 生日正日入住指定套餐 送免費門票1張
迪士尼就冇海洋公園咁筍，生日正日想免費入場，要住返佢地酒店，仲要係指定套餐。不過生日氣氛來講迪迪尼係冇得輸，住食玩成個配套係正嘅。
優惠詳情：https://www.hongkongdisneyland.com/zh-hk/offers-discounts/hotel-birthday-celebration-privilege/
大富翁夢想世界 生日月份 免費入場
生日想搵個地方行下，可以揀山頂，大富翁夢想世界係成個生日月份都免費，唔使錢玩下唔錯。
優惠詳情：https://www.monopolydreams.com/hk/tc/news-9948944566.html
香港杜莎夫人蠟像館 生日前後7日 免費入場
上山頂行完大富翁夢想世界，跟手去埋香港杜莎夫人蠟像館都係免費！不過就要有人陪你買飛入場（尊尚套票）你先有免費，同埋係生日前後7日有效。
天際100 生日月份免費入場
Sky100生日都免費，而且係生日月份都有效，不過就要有朋友陪入場，好在你朋友都有半價。
優惠詳情：https://sky100.com.hk/zh-hant/offers/extraordinary-birthday-offer/
挪亞方舟會員 生日月份 免費入場1次
馬灣嘅挪亞方舟都有生日月份免費入場，同行1位朋友仲有半價，不過留意返要係挪亞FUN分CLUB會員先可以享用呢個優惠。
優惠詳情：https://www.noahsark.com.hk/tra/noah-fun-fun-club.jsp
生日免費自助餐
香港黃金海岸酒店 Sino Club會員生日月份 免費自助餐1位
香港黃金海岸酒店嘅聆渢咖啡廳有免費自助餐，首先你要係Sino Club會員，然後連埋你要4人入座你就有免費。呢間好full，記得早book位。
優惠詳情：https://www.sino-hotels.com/zh-hk/hk/gold-coast-hotel/dining/cafe-lagoon
香港百樂酒店 生日月份 免費自助午餐1位
香港百樂酒店都有免費自助午餐，4人同行壽星免費，同行朋友仲有85折。
其他生日免費餐
龍鼓灘海邊BBQ 生日當日或前7日 免費BBQ
中意燒嘢食的話，屯門龍鼓灘海邊BBQ有得免費BBQ，仲有免費活動同禮物送畀你，生日當日或生日前7日可以享用。
優惠詳情：https://www.yl.hk/hb-bbq/i_price.htm
白石BBQ燒烤會員 生日月份 送金牌乳豬1隻
馬鞍山嘅白石BBQ雖然唔係免費燒，不過都好癲，生日送隻乳豬，留意返要做會員同埋3日前預訂先會有免費豬。
優惠詳情：https://whiteheadbbq.hk/bbq-member.html
麥當勞親子會 會員生日月份 送麥樂雞4件+細汽水
如果你係麥記嘅麥當勞親子會會員，生日月份佢就會send生日券畀你換麥樂雞4件+細汽水，記得去食。
優惠詳情：https://mcdonalds.com.hk/about-us/clubs-party/mcdonalds-family-club/members-privileges/
生日免費蛋糕
LIFETASTIC 金會員銀會員 生日月份 送免費蛋糕
銀級會員生日月份消費送蛋糕一件，金級會員生日月份送免費原個小型蛋糕1個，需要3日前預訂。
優惠詳情：https://www.lifetastichk.com/memberShip.php
半島酒店大堂茶座 生日正日 送生日蛋糕1個
生日正日去半島酒店大堂茶座食晚餐，2位送生日蛋糕1個，4位送蛋糕兼送1位免費。
優惠詳情：https://www.peninsula.com/zh/hong-kong/special-offers/dining/the-lobby-birthday-rewards
香港富麗敦海洋公園酒店 Sino Club會員生日月份 送生日蛋糕1個
Sino Club尊尚會員，生日月份入住香港富麗敦海洋公園酒店，會送生日蛋糕1個。
優惠詳情：https://www.sinoclub.com/tc/privileges/birthday/-/RC10004682
The Farmhouse 生日月份 送汽酒1支＋生日蛋糕1個
生日月份去The Farmhouse，4人同行送750ml Prosecco 氣泡酒1支，6人同行再送多個生日蛋糕。
富豪香港酒店 生日月份 免費生日蛋糕1個+汽酒1枝
生日月份入住富豪香港酒店1晚連雙人早餐，送生日蛋糕1個同其他禮遇，包括1枝汽酒。
優惠詳情：https://www.regalhotel.com/regal-hongkong-hotel/tc/promotions/birthday-room-package.html
生日免費睇戲
高先電影院 會員專享 生日月份 送戲票贈券1張
高先WHITE會員同BLACK會員，生日月份都送戲票贈券1張。
優惠詳情：https://goldenscene.com/membership
英皇戲院 會員專享 生日月份 送電影贈券
英皇戲院會員，生日月份送電影贈券同埋小食。
優惠詳情：https://www.emperorcinemas.com/zh/member
百老匯院線 會員專享 生日當日 送電影贈券
百老匯院線會員，生日當日送贈券1張，再送100會員積分。
生日免費搭車
昂坪360 生日正日 免費搭纜車
香港居民生日正日去搭昂坪360有標準車廂免費來回，仲可以8折幫3個親友買來回標準車廂車飛。
優惠詳情：https://www.np360.com.hk/tc/event-promotions/promotions/birthday-offer-for-local-residents
Follow我們 Social Channel 得到最新資訊 : IG: wavingcat.hk FB: WavingCat招財貓
