Table of Contents
TSLA股價獨升你就知咩事
自從侵侵當選咗總統之後，同緊斯克可以話係拍住上，但就係11月14日嘅時候，突然有新聞報導，話侵侵嘅過渡團隊有計劃去取消當消費者購買電動車，就可以獲得7500美元呢個稅收優惠。吓，咁唔係背叛咩？咁到底點解明明侵侵同馬斯克拍住上。其實你諗深一層就知，你睇一睇啲股價就會發現，雖然呢個消息即日就令成個電動車板塊集體大跌，Nikola跌咗22.76%，極氪ADR跌咗23.68%， TSLA嘅勁敵Rivian都跌咗14.3%，但唯獨是TSLA只係跌咗5.77%。
睇新聞唔好只睇標題
利好嘅原因好簡單，因為TSLA一向都唔係呢項項補貼嘅最大得益者，TSLA主要係直接賣車，而大多數消費者直接購買嘅汽車其實唔符合全額補貼嘅資格，因為佢哋嘅零件大部分都係嚟自海外。但如果係租車唔係買車嘅話，消費者就可以享受到全額補貼。而喺呢項補貼通過之後，有接近60%嘅電動車係為長租而唔係直接購買。換言之呢個補貼對TSLA幫助相對無咁大，所以TSLA嘅代表一早已經公開表示，佢哋支持取消呢個個補貼。如果無咗呢個補貼，其他汽車製造商可能要降低價格，或者要面臨失去部分客戶嘅風險。
侵侵要搞返化石燃料
咁當然侵侵咁做唔係淨係為咗幫馬斯克，侵侵咁做最主要係慳錢，咁佢慳到嘅錢就可以支持返佢上任初期數萬億美元嘅減稅政策。另一方面，侵侵喺選舉前就承諾過，就算美國石油產量已經達到歷史新高，佢都會推動增加美國的石油產量，而且要撤銷拜登之前嘅清潔能源計劃。但係要推翻拜登政府所推動嘅清潔能源政策一啲都唔容易，因為呢啲計畫已經開始咗分配資金，所以要兌現選舉前嘅承諾，取消電動汽車稅收優惠相對嚟講就容易得多。
TSLA目標價去到邊？
咁其實依加就更明顯可以睇到侵侵上場，馬斯克點樣同佢坐埋同一陣線，所以中長線嚟講，最近嘅回調正正係入市嘅好機會，中長線絕對有力去挑戰前歷史高位$414，甚至係突破呢個高位。至於短線嚟講，取消稅收優惠又好，特朗普交易熱度減退又好，無疑短期會令到TSLA受壓，不過之前升得咁急，回調一吓，橫行整固一吓先再次有另一個升浪都係好事。短線最理想嘅情況係可以回調到上一個橫行嘅頂部，即係藍色橫線，大約$273，喺呢個位附近橫行返幾個星期，之後先升就會最健康。而中長期嘅朋友可以睇住上一個區間底部嘅上斜線，即係藍色斜線，只要佢一日唔跌穿呢條線，中長線個上升趨勢仍然喺到，無需擔心。
（聲明：上述文章僅供參考，並不構成任何投資建議。讀者宜按自己的能力及認知，而作出投資決定。）
