【保守型吸錢儲蓄法】

0
83
儲蓄法

政府公佈咗最新通脹數據,就有業界人士指出香港通脹率出年有機會達到2.5%!大家都知人工嘅加幅永遠都追唔上通脹嘅步伐,再加上受疫情影響,打工一族又未必想咁冒險進行投資。睇到呢到,你想唔想用穩陣方法去幫自己資產增值?如果想知嘅話,不妨睇下以下嘅儲蓄法啦!

2份儲蓄法

大家可以先將要儲落銀行嘅錢分成A同B兩份,A將會係做半年定期而B就會做一年定期。當半年後,A份到期就可以選擇拎出黎或者做多一年定期;再過半年,B份亦係同樣做法。如是者,每半年會有一次拎錢嘅機會,用家可以靈活變動資產,減少利息嘅虧損。

零存整付儲蓄法

零存整付其實係月供存款,每月或季存入指定金額落銀行,係計劃完結就可以一次過提取本金同利息。零存整付嘅利息係用複息計算,所以每期所得嘅利息會自動滾存,成為本金,再重新計算利息。如是者,本金會越來越大,利息亦越來越多。對月光族黎講,係一個唔錯嘅存錢起步點,因為門檻較低,每月供港幣500蚊就得。

保險儲蓄法

保險儲蓄適合本身有一筆可動用資產同儲蓄習慣嘅人,因爲呢類型保險一般年期較長,唔可以係短時間提取,但回報率就比起以上兩種方法高。另外,儲蓄型嘅保險除咗可以幫你資產增值外,仲有連帶其他嘅保障,例如人壽。

儲蓄法

WavingCat提供金融理財資訊,讓你抓緊錢途 Follow WavingCat就可以緊貼市場最新消息!

IG: wavingcat.hk FB: WavingCat招財貓