【恆生指數大跌破千點,騰訊跌穿$500,之後要點部署?】

0
140
騰訊

尋日 (26號) 截止收市價計恆生指數指跌近1100點,筆者係上星期有提過如果跌穿橫行區就會一級級向下。恆生指數現時26500 點相信還會向下行走嘅空間。上年嘅熱炒板塊如物管股丶科技股丶教育股全線向下跌。強如騰訊控股 (700.HK) 都跌穿$500,阿里巴巴 (9988.HK) 跌穿$200穿上年低位。

今日大市跌800點主要因為係中國政府持續打壓不同熱炒板塊股票,繼中概科網股接連遭壟斷法重罰後,疑因中央要鼓勵生育並要減低市民養育兒女負擔,上周出「辣招」禁絕謀利嘅學科補習社上市同集資,導致教育股遭遇毁滅性打擊。同時係較早前 (24號),國家市場監管總局通報,依法對騰訊控股有限公司作出責令解除網絡音樂獨家版權等處罰。市場監管總局依據《反壟斷法》,查清本交易違法實施集中嘅事實,充分評估參與集中嘅經營者係相關市場嘅份額、控制力、集中度以及集中對市場進入同消費者影響等因素。同時,廣泛徵求有關政府部門、行業協會、專家學者、同業競爭者意見,並多次聽取騰訊陳述意見。調查表明,本案相關嘅市場係中國境內網絡音樂播放平台市場。正版音樂版權係網絡音樂播放平台運營嘅核心資產同關鍵性資源。2016年騰訊同中國音樂集團係相關市場份額分別係30%同40%左右,騰訊通過同市場主要競爭對手合併,獲得較高嘅市場份額,集中後實體佔有嘅獨家曲庫資源超過80%,可能有能力促使上游版權方與其達成更多獨家版權嘅協議,或要求給予優於競爭對手嘅交易條件,亦可能有能力通過支付高額預付金等版權付費模式提高市場進入壁壘,對相關市場具有或可能具有排除、限制競爭嘅效果。

正所謂「成也中央,敗也中央」,其實中央都唔係第一次借反壟斷法向企業罰錢。根據騰訊 (700.HK) 嘅「好孩子」形象,無論中央用咩理由罰錢或打壓,一向都照單全收絕不出聲,所以係中央眼中騰訊永遠都係「好孩子」。加上騰訊一向都跟恆指走勢行。所以如果相信恆指可以上返28000 點話,其實跌穿$500 嘅騰訊係可以分階段買入。

其次,係今日嘅大跌市入面都有一隻近期走勢唔差嘅股票,就係齊屹科技 (01739.HK)。有幾個原因令筆者覺得幾吸引,第一係2021年6月,齊屹科技獲Morgan Stanley增持8158.61萬股。增持後,Morgan Stanley持有權益的股份數目為81,586,100股,佔已發行的有投票權股份百分比7.04%;第二係齊屹科技有係市場上回購股份;第三係百度係齊屹科技第二大股東。不過對筆者嚟講,最有信心嘅係Morgan Stanley增持動作,如果以招股價為目標$4.85,現價係$2.22,所以如果大市回升返相信齊屹科技會有唔錯既回報。

BTW上次筆者推介嘅太陽能板塊post 得5個like,Come on James 大家唔好咁懶啦,幫幫手俾個like 我,最好幫手share,叫大家幫幫手follow 依個page!你嘅follow 同like 係我地Waving Cat 每一位員工嘅動力,所以心動不如行動幫幫手like 爆我地嘅post,多謝大家支持!

免責聲明:本平台發佈的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本平台及相關作者無關。而WavingCat旗下網站或社交平台的網誌內容及觀點,僅屬筆者個人意見,與WavingCat立場無關。WavingCat對因上述人士張貼之資訊內容所帶來之損失或損害概不負責。

騰訊

WavingCat提供金融理財資訊,讓你抓緊錢途 Follow WavingCat就可以緊貼市場最新消息!

IG: wavingcat.hk FB: WavingCat招財貓

wavingcat.hk

分享即時資訊 助你在投資路上爪緊錢途😸💵
#WavingCat快訊 🗞 | #WavingCat投資 💰
#WavingCat移民 ✈️ | #WavingCat理財 🏦
👇申請uSMART開戶優惠/ 瀏覽WavingCat網站✨

Waving Cat 招財貓