報稅係每年都要做嘅事，今年嘅報稅表已於5月2日寄出，大家收到未？本文會由報稅開始，到2024年稅率、計算要交幾多稅，再到交稅方法，作詳細教學，如果大家對於報稅同交稅有任何問題，就要細閱本文喇！
Table of Contents
報稅2024｜報稅及交稅時間表
稅務局已於2024年5月2日向納稅人寄出個別人士報稅表，一般個人報稅需在6月3日前提交報稅表，經營獨立業務人士則需於8月2日前提交，使用稅務易 eTAX 提交報稅表，可以稍為延長提交期限（見下文「稅務易 eTAX 延長交報稅表期限」）。留意如納稅人在6月過後仍未收到報稅表，應向稅務局查詢。有機會係寄失，或者係被評為無須交稅而冇寄出報稅表。以下係每年報稅同交稅時間表，以作參考。
- 5月-6月：納稅人陸續收到報稅表
- 6月-7月：納稅人向稅局遞交報稅表
- 10月：納稅人陸續收到交稅通知
- 1月：納稅人繳交第一期稅
- 4月：納稅人繳交第二期稅
報稅2024｜稅務易 eTAX 網上報稅
只須輸入稅務編號及「稅務易」通行密碼，或以數碼證書登入你的「稅務易」帳戶，即可享用一系列個人化的網上稅務服務。稅務易 eTAX 提供服務包括：
- 查閱是否有尚未提交的報稅表或尚未清繳的稅款
- 提交報稅表
- 即時估計應繳薪俸稅款
- 檢視經網上提交的報稅表、評稅通知書及繳交稅款的確認通知書
- 要求修訂評稅
- 申請暫緩繳納暫繳稅
- 更新在稅務局的個人及業務資料紀錄
- 查詢個人稅務事宜
- 為物業文件加蓋印花
- 申請商業登記及申索商業登記冊內資料的摘錄
稅務易 eTAX 延長交報稅表期限
另外，透過稅務易網上提交報稅表，提交期限可獲延長如下：
- 報稅表－個別人士：1 個月
- 物業稅報稅表：2 個星期
- 利得稅表：2 個星期
稅務易 eTAX 開帳戶流程
如你從未登記「稅務易」帳戶，請按以下流程開戶：
- 按此申請「稅務易」通行密碼
- 準備稅務編號及「稅務易」通行密碼，按此開立「稅務易」帳戶
- 以「稅務易」通行密碼成功登入稅務易 eTAX後，即可使用相關服務，包括網上提交報稅表等
報稅2024｜薪俸稅如何計算?
薪俸稅係以課稅年度嘅收入去計算，而課稅年度係指每年4月1日至下一年3月31日，以今年報稅嘅2023/24為例，課稅年度就係2023年4月1日至2024年3月31日。
香港薪俸稅有兩種稅率，一種係累進税率，正常打工仔都係計累進税，有以下兩種計法，稅局會取較低稅款嘅方法：
- 應課稅入息實額 = 入息總額 – 扣除總額 – 免稅額總額
- 入息淨額 = 入息總額 – 扣除總額
報稅2024｜稅率：累進税率及標準税率
上面提過一般香港打工仔會計累進税率，其實香港薪俸税有兩種稅率：「累進稅率」同埋「標準稅率」，後者適合較高收入人士，例如年收入超過百幾二百萬。以下係2023/24課稅年度稅率：
累進税率 2023/24
| 應課税入息實額 | 税率 | 税款 |
| 首HK$50,000 | 2% | HK$1,000 |
| 其後HK$50,000 | 6% | HK$3,000 |
| 其後HK$50,000 | 10% | HK$5,000 |
| 其後HK$50,000 | 14% | HK$7,000 |
| 其餘 | 17% |
標準税率 2023/24
| 標準税率 | 15% |
2024/25 標準税率兩級制
呢個係下個年度會實施嘅措施，由2024/25課税年度起，薪俸税及個人入息課税標準税率會實施兩級制，入息淨額超過HK$500萬的納税人，其首HK$500萬的入息淨額繼續以15%的税率計算，而超過HK$500萬的入息淨額部分則以16%的税率計算。
報稅2024｜扣稅項目
剛才提到，入息係減返運稅年度扣除總額同埋免稅額總額，之後先要計稅嘅，而家先睇下扣除額，以下係2023/24扣稅額詳情：
| 扣稅項目 2023/24 | 扣稅額 |
| 個人進修開支 | HK$100,000 |
| 長者住宿照顧開支 | HK$100,000 |
| 居所貸款利息 | HK$100,000 |
| 退休計劃強制性供款 | HK$18,000 |
| 自願醫保計劃保費 | HK$8,000 |
| 年金保費、強積金自願性供款 | HK$60,000 |
| 住宅租金扣除 | HK$100,000 |
| 認可慈善捐款 | HK$35% |
報稅2024｜免稅額
跟住到免稅額，以下係2023/24免稅額詳情：
| 免稅項目 2023/24 | 免稅額 |
| 基本免稅額 | HK$132,000 |
| 已婚人士免稅額 | HK$264,000 |
| 單親免稅額 | HK$132,000 |
| 傷殘受養人免稅額 | HK$75,000 |
| 每名子女免稅額 | HK$130,000 |
| 每名子女出生課稅年度額外增加免稅額 | HK$130,000 |
| 供養兄弟姊妹免稅額 | HK$37,500 |
| 供養父母及供養祖父母或外祖父母免稅額 年齡為60歲或以上，或未滿60歲但有資格根據政府傷殘津貼計劃申索津貼 | HK$50,000 |
| 供養父母及供養祖父母或外祖父母免稅額 55歲或以上，但未滿60歲 | HK$25,000 |
| 供養父母及供養祖父母或外祖父母免稅額額外免稅額 年齡為60歲或以上，或未滿60歲但有資格根據政府傷殘津貼計劃申索津貼 | HK$50,000 |
| 供養父母及供養祖父母或外祖父母免稅額額外免稅額 55歲或以上，但未滿60歲 | HK$25,000 |
報稅2024｜稅務寬減
扣稅同免稅額之外，其實每年仲會有稅務寬減。今年財政司司長陳茂波公布財政預算案，宣布寬減2023/24課稅年度100%的薪俸稅及個人入息稅，上限為HK$3,000，即是你今年如果要交嘅稅低於或等於HK$3,000，最終就會唔使交稅。稅務寬減其實愈cut愈少，以下係歷年嘅上限，以作參考。
| 課税年度 | 寬減税款的百分比 | 每宗個案寬減上限 |
| 2018/19 | 100% | HK$20,000 |
| 2019/20 | 100% | HK$20,000 |
| 2020/21 | 100% | HK$10,000 |
| 2021/22 | 100% | HK$10,000 |
| 2022/23 | 100% | HK$6,000 |
| 2023/24* | 100% | HK$3,000 |
報稅2024｜交稅方式
交稅有好多種方法，比較方便嘅有：網上銀行、PPS繳費靈、ATM自動櫃員機、便利店、信用卡、FPS轉數快等。如你第在海外，返唔到香港交稅，都可以用支票、本票等方法交稅，請參閱海外交稅教學。以上方法之外，你亦可以親臨交税，或購買儲税券，下列為各繳款處收款詳情：
郵政局
- 你可攜同繳款單到郵政局以現金、支票或「易辦事」繳付税務局帳單包括税款、商業登記費或印花税，以及購買儲税券。每日現金繳款金額必須少於HK$120,000。如欲查詢郵政局的地址及辦公時間，請致電香港郵政的熱線 2921 2222，或瀏覽香港郵政的網頁。
- 郵政局地址及辦公時間
- 如你親臨啟德税務中心繳税，請到協調道郵政局。詳細地址如下：
- 地址：香港九龍啟德協調道 3 號工業貿易大樓地下
- 收款時間：
- 星期一至五：上午 9 時 30 分至下午 5 時
- 星期六：上午 9 時 30 分至下午 1 時
便利店
- 如繳款單印有條碼，你可攜同繳款單到全港任何一間 7-Eleven 便利店、OK 便利店、VanGO 便利店及U購 select繳付税款、商業登記費和電子印花税款。每次現金繳款金額上限為 HK$5,000。有關「易辦事」繳款，請瀏覽税務局的網頁。
- 便利店付款應注意事項
報稅2024｜遲交報稅表／遲交稅
報稅表要準時交，稅款都一樣，千其唔好遲，否則或會有以下後果：
遲交報稅表後果
- 在任何情況下，如你未能在指定期限或延期屆滿前提交報税表，税務局可向你發出估計評税，你可能會多繳税款。你亦可能被處罰訴訟，包括罰款或被檢控。
遲交稅後果
- 若第一期税款未如期清繳，税務局會加徵全部欠税（包括第二期税款）的 5%附加費，第二期税款將視為立即到期論。
- 税務局就在繳税日期起計 6 個月後仍未清繳的税（包括 5%附加費）再加徵 10%附加費。
- 如納税人仍未全部清繳税款及附加費，税務局通常會向第三者發出追收税款通知書，第三者包括納税人的僱主、銀行、租客、債務人、顧客等。若為僱主，可以扣除僱員工資，但須遵守《僱傭條例》（第57章）第32(3) 條規定。
- 再唔交，税務局可向區域法院申請發出傳訊令狀，向欠税人進行民事起訴，追討欠税。拖欠税款的納税人除須繳付在登錄判決時已到期繳付的欠税外，還須負責繳付法院費用、定額訟費及由申索訴訟開始至判定債項全數清繳日期間的利息。
- 如獲法院裁定的債項仍未清繳，税務局可申請扣押債務人財產令狀，扣押納税人的動產﹔或就該名納税人的不動產執行押記令。税務局亦會提出破產／清盤的申請。
- 若納税人沒有繳付税款而意圖離開香港或已離開香港往其他地方居住，税務局局長可向區域法院申請阻止離境指示阻止該納税人離開香港。
報稅2024｜夫婦合併報稅 真係可以慳稅？
首先，好重要，就算選擇合併報稅，兩夫婦都要分別填自己張報稅表，而唔係1個人填晒。合併報稅嘅重點在於免稅額，最大化兩夫婦嘅免稅額，就等於交少啲稅。以下情況可作參考：
- 夫婦其中一人入息低於基本免稅額（甚至沒有收入）：合併報稅通常較著數
- 夫婦兩人入息都高於基本免稅額：分開報稅通常較著數，但留意如有子女，只有一方可以報免稅額
由於每個家庭成員免稅情況唔一樣，所以情況不能一概而論，要自己計一計分別，先知邊個方法最慳稅。不過就算報咗合併，但如分開計會慳多啲，稅局都有機會會通知你，無須太擔心報錯。
Follow我們 Social Channel 得到最新資訊 : IG: wavingcat.hk FB: WavingCat招財貓
