【Facebook盈利指引勁弱雞想力挽狂瀾 一定要力谷Reels】

Reels

Facebook公布Q4業績同我預期差唔多,弊在Q1既guidance非常弱雞,主要因為TikTok同Apple兩大競敵,拖低左FB廣告展示數目 (ad impressions) 同平均廣告價格, 簡單黎講即係廣告收入。

力谷Reels對抗TikTok

廣告收入增長減慢,但預計既開支就一啲都唔慢,FB仍然落力投資,支出會按年增長兩到三成。如果全年收入都好似Q1咁弱雞,睇怕FB今年盈利會出現高達兩成倒退!

朱仔講到TikTok係有史以黎最強對手,斷估搶走左唔少用戶時長。TikTok喺2020年撤出香港之前,我都有玩過,當時功能未算齊全連直播都無,但已經愈黎愈多外國人用,當中唔少仲係大明星; 從下載數字黎睇,TikTok更係長期冠軍。

抖音的強勢地方

不過一排冇用,我都唔敢亂評TikTok功能,或者可以用中國版TikTok — 抖音,做個比較。 我無聊嗰時都會開下抖音,一玩好容易就成半個鐘,抖音無論係流暢度、畫面質素,手指公把控度都係一流,而且仲要不斷evolve緊,過咗咁多年,到而家都仲係大約每個禮拜更新一次。抖音內容種類亦非常豐富,由我一開始淨係睇到啲小姐姐唱歌跳舞,到而家財經、商業、電影、健身等等都會推薦俾我,連短篇連續故事都有。功能齊全、內容豐富又易用,點會唔得用家歡心?TikTok正正做到呢樣野。君不見ig上既短片,唔少都有TikTok水印?

Reels同TikTok打對台

朱仔於是整左個Reels出黎同TikTok打對台,到依家只開放俾北美地區用。效果係點?朱仔話愈黎愈多FB用戶用多咗時間喺Reels度(即係搶咗自己news feed啲時間),但由於要培育Reels,目前Reels既廣告仲係好少,所以喺呢段過渡時間,廣告展示數目會有負面影響。但長期而言,朱仔估計Reels既ad load會同news feed差唔多。

我諗FB要快手搞好Reels,再推至全球,吸引多啲好既創作者加入,如果唔係TikTok喺各個地區都坐大、全部創作者都湧晒入TikTok,到時FB想霸地盤就好難。話晒依家FB都坐擁成30億MAU,都仲有少少優勢。

*此文章由專欄作家:財經卒仔提供

FB: 財經卒仔 (https://www.facebook.com/FinSmallSoldier/)

IG: @finsmallsoldier

免責聲明:本平台發佈的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本平台及相關作者無關。而WavingCat旗下網站或社交平台的網誌內容及觀點,僅屬筆者個人意見,與WavingCat立場無關。WavingCat對因上述人士張貼之資訊內容所帶來之損失或損害概不負責。

WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師,WavingCat都會幫你捉緊錢途。

Follow我們 Social Channel 得到最新資訊 : IG: wavingcat.hk FB: WavingCat招財貓