【騰訊派京東做中期息】

騰訊派息不嬲少,從未派過中期息,但早前話要派中期息,引起好多揣測,多數係覺得,而家大陸咁既政經環境,已經少咗好多投資機會,騰訊楂住咁多CASH,不如派啲出黎啦,睇法都係偏向少少負面。

Table of Contents

騰訊中期息派京東股票

誰不知,今次中期息竟然係派京東股票!每21股騰訊派1股京東,總共派4.57億股京東,派咗騰訊持有京東既股份成86.4%咁多,佔京東已發行股份約14.7%。即係話派完之後,騰訊只持有京東2.2%,變咗小小股東,連騰訊總劉熾平都會退出京東董事局。公布完之後,京東即時隊。梗係啦!我明明係睇好騰訊,你無啦啦派啲京東俾我,大部分人都會揀沽Q咗佢收錢啦。第二個原因仲弊,咁派法,即係騰訊曲線沽京東、放棄京東啦?騰訊解釋話,自己既投資策略係投資處於發展階段既公司,到呢啲公司有能力為自己未來發展撲水既時候就功成身退。咁上咗市美團、拼多多、快手、微盟等等全部要沽啦?我就唔信啦。(雖然呢啲今日全部都要隊) 我覺得騰訊只係想減少對京東扶持力度,轉而狂谷拼多多,同埋自己微信既電商生態。

*此文章由專欄作家:財經卒仔提供

FB: 財經卒仔 (https://www.facebook.com/FinSmallSoldier/)

IG: @finsmallsoldier

免責聲明:本平台發佈的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本平台及相關作者無關。而WavingCat旗下網站或社交平台的網誌內容及觀點,僅屬筆者個人意見,與WavingCat立場無關。WavingCat對因上述人士張貼之資訊內容所帶來之損失或損害概不負責。

WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師,WavingCat都會幫你捉緊錢途。

Follow我們 Social Channel 得到最新資訊 : IG: wavingcat.hk FB: WavingCat招財貓


上一篇文章【3HK首間本地電訊商 接受加密貨幣支付】
下一篇文章【價值超越盧布 烏克蘭接受狗狗幣捐款】