【Uber Eats終於收皮】

Uber Eats終於收皮,2021年底會撤出香港。想當年Uber Eats啱啱出嗰陣,不設最低消費,每單最多減 HK$100,個PROMOTION維持咗成兩、三個禮拜,我同啲同事瘋狂用、開新電話卡,免費食咗好多餐,飲咗好多支公利蔗汁。唔知Uber Eats嗰浸promotion燒咗幾多錢,肯定既係,新開戶激增,但繼續用既唔多。呢啲賠錢賺吆喝既行為,未必真係為生意,可能圈錢呢?!

Table of Contents

瘋狂燒錢谷新增用戶

好多互聯網公司都仲係用緊呢套,樂此不倦咁瘋狂燒錢谷新增用戶,好似大陸三間網上視頻公司,騰訊視頻、愛奇藝、優酷,蝕咗十年都仲未見到曙光。科技不斷革新,諗住開始加價,又殺出抖音、快手,搶晒啲用戶時間。話曬之前洗咗咁多錢,繼續做又唔係、唔做又唔係,死未。有人話,睇互聯網公司,唔係睇而家蝕幾多,要有終局思維,估到邊個係最終贏家、最終可以賺到幾多。好似當年大陸「千團大戰」,死咗窩窩團、拉手網、高朋網等等幾千個團購網,成就咗一個美團。邊個會贏,邊個會輸,真係估唔到。一仗功成萬骨枯,俾著我,會揀已經係最終贏家既公司,certainty對投資係好梗要。

*此文章由專欄作家:財經卒仔提供

FB: 財經卒仔 (https://www.facebook.com/FinSmallSoldier/)

IG: @finsmallsoldier

免責聲明:本平台發佈的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本平台及相關作者無關。而WavingCat旗下網站或社交平台的網誌內容及觀點,僅屬筆者個人意見,與WavingCat立場無關。WavingCat對因上述人士張貼之資訊內容所帶來之損失或損害概不負責。

WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師,WavingCat都會幫你捉緊錢途。

Follow我們 Social Channel 得到最新資訊 : IG: wavingcat.hk FB: WavingCat招財貓


上一篇文章【無懼俄烏緊張局勢 烏克蘭宣布將加密貨幣合法化】
下一篇文章【HKTVmall常客注意】申請Citi HKTVmall 信用卡簽$300豪賞迎新獎賞高達HK$2,870