【美團Q3賺變蝕,但其實業績一啲都唔差。】

財經卒仔

餐飲外賣收入按年仍然keep住增長28%,經營溢利多賺14%;團購業務收入按年升33.1%,經營溢利賺多35.8%。搞到佢蝕錢既係新業務。新生意收入大升66.7%,但經營虧損就按年增加4.4倍去到109億人仔。新業務包括美團優選、美團買菜及美團閃購,呢啲係乜?

呢個市場肯定過萬億

就係foodpanda既pandamart、pandamall,王維基既HKTVexpress。美團除咗幫你去普通鋪頭買貨送埋俾你,更加會幫你買餸、買藥,總之你周圍有啲咩鋪頭都會幫你買,送埋去你門口。呢個市場肯定過萬億,potential比餐飲外賣更大,所以美團會不惜一切壟斷呢個市場。

本地零售業務係非常重營運

本地零售業務唔同微信呢類To C既互聯網業務,微信就好似空軍咁,只要個apps用戶體驗好,愈過臨界點,就可建立馬太效應,過億用戶一下到手。但本地零售業務係非常重營運既一門生意,好似陸軍咁,要有非常勁而專業sales team,逐個逐個小商家傾合約、傾項目。Sales要對線下行業非常熟悉,例如要建議銷售方案及價格、預期反響,不斷為商家服務。對管理既要求更加高,唔似實物網購,整好apps同物流等基建就可以覆蓋全國,本地零售只可逐區逐區做,無可能一下子sell勻全國。愈難做既生意,需要愈多積累既生意,護城河就會更加牢固。美團對本地服務各行各業既認識,千捶百練既銷售團隊,同商家既connection,用戶既黏性,仲有佢既百萬送貨小哥,全部都唔係一朝一夕可以建立出黎。除咗阿里,我諗無乜人可以挑戰到佢。

*此文章由專欄作家:財經卒仔提供

FB: 財經卒仔 (https://www.facebook.com/FinSmallSoldier/)

IG: @finsmallsoldier

免責聲明:本平台發佈的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本平台及相關作者無關。而WavingCat旗下網站或社交平台的網誌內容及觀點,僅屬筆者個人意見,與WavingCat立場無關。WavingCat對因上述人士張貼之資訊內容所帶來之損失或損害概不負責。

WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師,WavingCat都會幫你捉緊錢途。

Follow我們 Social Channel 得到最新資訊 : IG: wavingcat.hk FB: WavingCat招財貓


上一篇文章【Elon Musk上年捐出57.4億股票 WFP原來無份】
下一篇文章【加拿大援引緊急法 加密支付必須申報】